﻿SAAMUNƆ.
59.
Lɛ̀ kɛ̀ Dauda dà gurↄↄ kɛ̀ Solu gbɛ̃nↄ zĩ̀ aↄ̃ à dãdã à bɛ wà à dɛ. Ma Luda, ǹ ma sí ma ibɛɛnↄa, ǹ ma bↄ gbɛ̃ kɛ̀ aↄ̃ fɛ̀ɛmaziinↄ ↄzĩ. 
Ǹ ma sí zaakɛrinↄa, ǹ ma bↄ gbɛ̃dɛrinↄ ↄzĩ. 
Ǹ gwa, aↄ̃ↄe ma kpákpaa, gbɛ̃ pãsĩnↄↄ e swèe kɛɛmao. Dii, mɛ́ɛ taari ke durun kɛńnɛro, 
mɛ́ɛ sãsãńnɛ yãkearo, ben aↄ̃ↄ kú soruo wà nakↄ̃rɛma. Ǹ ma wɛ̃nda gwa ǹ fɛɛ ǹ mↄ́ ǹ dↄmalɛ! 
N Dii Luda Zĩ̀kpɛde, Isarailinↄ Luda, ǹ fɛɛ ǹ wɛ́ɛ tã borii mↄ̀nↄa ń píngi. Ǹton bↄnkpɛɛde zaaa mↄ̀nↄ wɛ̃nda gwaro. 
Aↄ̃è ɛara wà su uusiɛ dↄ, aↄ̃è likↄ̃aa zↄ̃ wɛ́tɛn, aↄ̃è hũ̀u kɛma lán gbɛ̃ɛnↄ bà. 
Ǹ gwa, aↄ̃ lóu e tↄ̃ↄ, fɛ̃ɛ kpá ń lɛ́n, aↄ̃è be gbɛ̃kee e ń maaro. 
Mpi sↄ̃ Dii, nɛɛ̀ ń yáa dↄ, nɛɛ̀ borii pìnↄ lalandi kɛ ń píngi. 
Luda ma gbãa, ma wɛ́ɛ dↄnzi, ḿbe ma aafia'ekii ũ. 
Luda é dↄmɛ aɛ a gbɛ̃kɛɛ guu, eé tó mà yↄ̃̀gↄ̃ kɛ ma zangurinↄa. 
Dii wa sɛngbango, ǹton ń dɛdɛro, lɛ aↄ̃ yã tón sã ma gbɛ̃nↄnlo yãnzi. Ǹ tó aↄ̃ likↄ̃aa zↄ̃ ǹ ń sↄ̃ɛ kↄ̃n n gbãaao. 
Yã kɛ̀ è bↄ ń lɛ́n nɛ́ durun yãmɛ. Ǹ tó aↄ̃ wadakɛna ń kũ, zaakɛ aↄ̃è ɛgɛɛ to, aↄ̃è gbɛ̃ ká. 
Ǹ ń kaatɛ kↄ̃n pↄfɛ̃o, ǹ ń dúgu zↄ̃, aↄ̃tongↄ̃ kuu dↄro de aↄ̃gↄ̃ dↄ̃ ai zaa anduna lɛ́a kɛ̀ Ludaa e kí blee Yakubu boriinↄa. 
Aↄ̃è ɛara wà su uusiɛ dↄ, aↄ̃è likↄ̃aa zↄ̃ wɛ́tɛ guu, aↄ̃è hũ̀u kɛ lán gbɛ̃ɛnↄ bà. 
Aↄ̃è ligaliga wàgↄ̃ pↄ́blee wɛtɛɛ, tó aↄ̃ↄe kãro, aↄ̃è wii pɛ́. 
Mapi sↄ̃, mɛ́ lɛ̀ sí n gbãaa yã musu, mà guda kɛ kↄngↄ n gbɛ̃kɛ yãnzi, zaakɛ ḿbe ma aafia'ekii ũ, ḿbe ma utɛkii ũ nawɛ̃akɛgurↄ. 
Luda ma gbãaa, mɛ́ n táaki lɛ́, zaakɛ ḿbe ma aafia'ekii ũ, Luda kɛ̀ è gbɛ̃kɛɛ kɛmɛɛ. 
