﻿SAAMUNƆ.
46.
Kora boriinↄ lɛ̀. Ludan wa utɛkii ũ kↄ̃n wa gbãaao, ègↄ̃ dↄↄwalɛ gurↄ píngi wa nawɛ̃a guu. 
Beee yãnzi baa tó anduna yàka bensↄ̃ kpiiinↄ lɛ̀ɛ wà sì ísiaan, baa tó í pì kàka à fùta dↄ̀ bensↄ̃ kpiiinↄ dège kↄ̃n kĩio, swɛ̃̀ é kɛ̃waguro. 
Swa kee kuu kɛ̀ à í è mↄ́ pↄnnaao Luda wɛ́tɛ guu, Luda Musude kúkii kɛ̀ kú adona pì. 
Ludaa kú wɛ́tɛ pì guu, eé gↄ̃ bɛzĩ ũro, Luda é dↄàlɛ gudↄnao. 
Boriinↄ e wii lɛɛ, kpatanↄↄ e yãaa, Luda pũ̀tã, ben anduna yↄ̀. 
Dii Zĩ̀kpɛdee kúwao, Yakubu Ludan wa utɛkii ũ. 
À mↄ́ à Dii yãkɛnanↄ gwa, lán à yã yà andunaa nà. 
Àmbe è zĩ̀ mì dɛ ai anduna lɛ́n, è sánↄ ɛ́'ɛ è sárinↄ dúgu zↄ̃, è tɛ́ sↄ̃ sɛngbangonↄa. 
À zɛ tɛɛɛ àgↄ̃ dↄ̃ kɛ̀ mámbe Luda ũ. Boriinↄ é ma tↄ́ sɛ́ lezĩ, weé ma tↄ́ kpá anduna guu píngi. 
Dii Zĩ̀kpɛdee kúwao, Yakubu Ludan wa utɛkii ũ. 
