﻿SAAMUNƆ.
42.
Kora boriinↄ lɛ̀. Lán zↄ̃ ègↄ̃ swasaɛ ni dɛɛ nà, lɛn n nii kú ma swɛ̃̀n lɛ, Luda. 
Ma ninii e Luda ni dɛɛ, Luda Wɛ̃̀ndide pì, bↄrɛn mɛ́ e mà gá wɛ́ɛ siàlɛɛ? 
Wɛ́ɛ'i bé à gↄ̃̀ ma pↄ́blee ũ fãantɛ̃ kↄ̃n gwãavĩo. Wègↄ̃ beemɛ gurↄ píngi: N Ludaa kú mámɛee? 
Ma nↄ̀sɛ wɛ̃̀nnɛ, ben yã kɛ̀kiinↄ dↄ̀magu, lán mɛɛ̀ gá parii guu nà ai Luda ua, gbɛ̃nↄ ègↄ̃ tɛ́tɛ ma kpɛɛ kↄ̃n gudakɛnao, zĩbaakɛrinↄ ègↄ̃ tɛ́ ma kpɛɛ kↄ̃n sáabukpanao. 
Bↄ́yãnzin ma nↄ̀sɛ yàkazi? À kɛ̀ dia ma làakari fɛ̀ɛɛ? Séde màgↄ̃ wɛ́ɛ dↄↄ Ludazi, zaakɛ mɛ́ ɛara màgↄ̃ à sáabu kpaa, ma Mìsiri, ma Luda. 
Ma nↄ̀sɛ yàka, ben n yã dↄ̀magu zaa Miza kpiigɛɛzi ai Yoda mìa, zaa Ɛmↄni gbɛ̀nↄ musu. 
Nɛɛ̀ tó ísↄ̃pɛɛna kĩi gↄ̃ dↄ, í lↄ̀nↄↄ e lɛ́ zuukↄ̃zi. Ń tò í e daamala, à sↄ̃ e taamao. 
Dii è yenzi ↄdↄamɛ fãantɛ̃, à lɛ̀ ègↄ̃ da ma lɛ́n gwãavĩ, mɛ́ɛ wɛ́ɛ kɛɛ Luda kɛ̀ dɛ ma wɛ̃̀ndi ũua. 
Mɛɛ̀ be Luda ma gbɛ̀sinɛ: Bↄ́yãnzin ma yã sã̀nguzi? À kɛ̀ dia ń tò màgↄ̃ tɛ́ kↄ̃n pↄsiaao ma ibɛɛ wɛ́ɛtãmma yãnzii? 
Ma ĩadammarinↄ è ma sↄ̃sↄ̃, beee yãnzi ma wánↄ ègↄ̃ wii, aↄ̃ègↄ̃ beemɛ gurↄ píngi: N Ludaa kú mámɛee? 
Bↄ́yãnzin ma nↄ̀sɛ yàkazi? À kɛ̀ dia ma làakari fɛ̀ɛɛ? Séde màgↄ̃ wɛ́ɛ dↄↄ Ludazi, zaakɛ mɛ́ ɛara màgↄ̃ à sáabu kpaa, ma Mìsiri, ma Luda. 
