﻿SAAMUNƆ.
34.
Lɛ̀ kɛ̀ Dauda dà gurↄↄ kɛ̀ à a zĩnda dìɛ ĩadee ũ Abimɛlɛki aɛ, ai Abimɛlɛki pɛ̀a à tà. Mɛ́gↄ̃ Dii tↄ́ sɛ́ɛ lezĩ gurↄ yãana sai, mɛ́gↄ̃ à tↄ́ kpaa lán guu e dↄↄ nà. 
Mɛ́gↄ̃ ĩa dãa Dii yã musu, takaasideenↄ é ma aↄ̃ pↄnnaa kɛ. 
À bítakɛɛ dↄ̃ Diinɛmao, à tó wà à tↄ́ bↄ lɛdo. 
Ma Dii kii wɛ̀tɛ, ben à wèmala, à ma bↄ ma vĩanↄ guu. 
Gbɛ̃ kɛ̀ aↄ̃ wɛ́ɛ dↄzinↄ uu égↄ̃ werena, wí é gɛ̃ ń wɛ́ɛn zikiro. 
Takaasidee kɛ̀ Dii sìsi, ben à wèàla, à à bↄ̀ à nawɛ̃anↄ guu píngi. 
Dii Malaika ègↄ̃ kú à vĩakɛrinↄ saɛ, è ń mì sí. 
À dã à gwa, é e kɛ̀ Dii nna, aubarikadeen gbɛ̃ kɛ̀ nàzi ũ. 
Dii gbɛ̃nↄ, à vĩa kɛnɛ, pↄ́ke è kɛ̃sã à vĩakɛrinↄaro. 
Nↄaa è músunↄ dɛ, pↄ́blee è kɛ̃sãḿma, mↄde pↄ́ maa ke è kɛ̃sã Dii kii wɛ̀tɛrinↄaro. 
Gbɛ̃nↄ, à mↄ́ à ma yã ma, mà vĩakɛna Diinɛ dadaare. 
Amↄa kɛ̀ á yezi a wɛ̃̀ndi gↄ̃ maa bensↄ̃ á yezi a kuuna gↄ̃ nna, 
à a lɛ́ kũ kↄ̃n yãzaa'onao, àton tó ɛgɛɛ bↄ a lɛ́nlo. 
À kpɛɛ li à zaaanɛ à à maaa kɛ, à aafia zɛ́ wɛtɛ àgↄ̃ tɛ́zi. 
Dii ègↄ̃ gbɛ̃ maaanↄ tàasi kɛɛ, è swã kpá ń wiipɛnazi. 
Dii è mìkpɛɛ zu zaakɛrinↄnɛ, lɛ aↄ̃ yã tón dↄ gbɛ̃kenlo yãnzi. 
Tó gbɛ̃ maaanↄ lɛ́ zù Diizi, è ma, è ń bↄ ń nawɛ̃anↄ guu píngi. 
Dii kĩi kↄ̃n gbɛ̃ kɛ̀ aↄ̃ pↄↄ yàkanↄ, è dↄ gbɛ̃ kɛ̀ aↄ̃ uu sisinanↄlɛ. 
Wahaa ègↄ̃ gbɛ̃ maaa lee gɛ̃̀n baaagↄ̃, mↄde Dii è à bↄ à guu píngi. 
È à wánↄ dãkpa píngi, à ke è ɛ́ro, baa mɛ̀n do. 
Kisia é gbɛ̃ zaaanↄ dɛdɛ, yã é vɛ̃ɛ gbɛ̃ maaa ibɛɛnↄa. 
Dii è a zↄ̀blerinↄ mì sí, yã é vɛ̃ɛ gbɛ̃ kɛ̀ naziaro. 
