﻿SAAMUNƆ.
26.
Dauda lɛ̀. Ǹ yã nnaa kpáma Dii, zaakɛ ma yã kɛ̀ a zɛ́a, ma n náanɛ kɛ̀ seka sai. 
Ǹ ma lɛ́ ǹ ma gwa Dii, nɛ́ ma nↄ̀sɛ kↄ̃n ma laasuunↄ gwa, 
zaakɛ n yenzi ègↄ̃ dↄↄmɛ aɛ, mɛɛ̀ zĩi kɛ n yãpuraaa. 
Mɛɛ̀ vɛ̃ɛ kↄ̃n ɛgɛdeenↄoro, mɛɛ̀ gɛ̃ mↄnafikideenↄ tɛ́ro. 
Ma za durunkɛrinↄ kakↄ̃anan, mɛɛ̀ vɛ̃ɛ kↄ̃n gbɛ̃ zaaanↄoro. 
Ma ↄ pìpi ma taarisaidekɛ sèeda ũ, mɛ́ɛ ligaa n gbãgbãkiizi, Dii, 
lɛ mà e mà n sáabu kpá lɛ̀sina guu, mɛ́ n yãbↄnsaɛnↄ kpàakpa kɛ. 
Dii, má ye n kpɛ́ kɛ̀ nɛɛ̀gↄ̃ kúnzi, guu kɛ̀ n gakui è pitan. 
Ǹton ma kakↄ̃a kↄ̃n durunkɛrinↄoro, ǹton ma baka kakↄ̃a kↄ̃n gbɛ̃dɛrinↄ pↄ́oro. 
Laasuu zaaa bé ègↄ̃ dↄↄńnɛ aɛ, aↄ̃ ↄↄ ègↄ̃ pana kↄ̃n ↄdↄnkpɛɛgbaanↄ. 
Mapi sↄ̃, mɛɛ̀ yã kɛ a zɛ́a, ǹ ma wɛ̃nda gwa, ǹ ma mì sí. 
Ma zɛkii è gu maaan, mɛ́ Dii sáabu kpá pari kakↄ̃ana guu. 
