﻿SAAMUNƆ.
4.
Dauda lɛ̀. Wè sí kↄ̃n mↄrↄlɛnaomɛ. Tó ma n sisi, ǹ wemala Luda ma zɛnyode, tó má kú nawɛ̃a guu, ǹ ma gba mɛ̀porokii, ǹ ma wɛ̃nda gwa ǹ ma aduakɛna sí. 
Gbɛ̃nↄ, é gí àgↄ̃ wí daa ma Luda Gakuidea ai bↄrɛmɛ? Égↄ̃ ye pↄ́ pãanↄzi àgↄ̃ tɛ́ tãanↄzin yↄ́? 
Àgↄ̃ dↄ̃ kɛ̀ Dii a gbɛ̃nↄ dìɛ ńdona, tó ma à sìsi, eé ma yã ma. 
Tó a pↄ fɛ̃̀, àton durun kɛro, à laasuu lɛ́ a daɛbↄ musu à yĩtɛ. 
À saa kɛ̀ dɛ à oo o, à Dii náanɛ kɛ. 
Gbɛ̃ paridee è be: Dé bé eé yã maaa kɛwee? Ǹ uu werewa, Dii, ǹ aubarika dawagu. 
Baa tó pↄ́wɛɛ kↄ̃n wɛ̃ɛo dińzi, pↄnnaa kɛ̀ ń dàmɛ ma swɛ̃̀n dɛ ń pↄ́la. 
Mɛɛ̀ daɛ mà ii o nnanna, zaakɛ Dii, ḿbe nɛɛ̀ tó màgↄ̃ kú ma làakaria. 
