﻿NAANA.
10.
Nuu nɛ́gↄ̃gbɛ̃nↄ Sɛmu kↄ̃n Hamuo kↄ̃n Yafɛtio kↄ̃n ń nɛ́gↄ̃gbɛ̃ kɛ̀ aↄ̃ ì í dana andunalaa gbɛraanↄ yãn yɛ̀. 
Yafɛti nɛ́gↄ̃gbɛ̃nↄ tↄ́n yɛ̀: Goma, Magↄgu, Midia, Girisi, Tubala, Mɛsɛki kↄ̃n Tirasao. 
Goma nɛ́gↄ̃gbɛ̃nↄ tↄ́n yɛ̀: Asakɛnaza, Rifa, Tↄgama. 
Girisi nɛ́gↄ̃gbɛ̃nↄ tↄ́n yɛ̀: Ɛlisa, Tasisi, Sipiru, Rodanimu. 
Borii pìnↄ bé wà dàgula ísia gɛɛzi, aↄ̃ kↄ̃ kpàatɛtɛ bùsu kↄ̃n bùsuo bori kↄ̃n boriio danɛdanɛ, baade kↄ̃n a boriyão. 
Hamu nɛ́gↄ̃gbɛ̃nↄ tↄ́n yɛ̀: Etiopia, Igipiti, Libia kↄ̃n Kanaao. 
Etiopia nɛ́gↄ̃gbɛ̃nↄ tↄ́n yɛ̀: Sɛba, Avila, Sabata, Raama kↄ̃n Sabatɛkao. Raama nɛ́gↄ̃gbɛ̃nↄn Seba kↄ̃n Dedão ũ. 
Nimlↄdu nɛ́ Etiopia boriimɛ dↄ. Àmbe anduna gbãabitade tↄ́de káaku ũ. 
Tofe sàmɛ Dii aɛzĩ. À yã bé à tò wè be: Lán Nimlↄdu dɛ tofe sà ũ Dii aɛzĩ nà. 
Babilↄnia bùsu kɛ̀ à kí blèa káaku wɛ́tɛdaan Babɛli kↄ̃n Ɛrɛkio kↄ̃n Akadao kↄ̃n Kalanɛo ũ. 
Bↄna gwe à gàa Asiria bùsun, ben à Ninɛva kàɛ kↄ̃n Reobo'io kↄ̃n Kalao 
kↄ̃n Rɛsɛ̃ kɛ̀ kú Ninɛva dagura kↄ̃n Kalao. Ninɛvan wɛ́tɛda ìsi ũ. 
Igipiti boriinↄn yɛ̀: Ludunↄ, Anamunↄ, Lɛabanↄ, Nafatunↄ, 
Patarusinↄ, Kasalunↄ kↄ̃n Kɛrɛtinↄ kɛ̀ Filisitininↄ bↄ̀ ń guunↄo. 
Kanaa daudu Sidↄ̃ boriinↄn yɛ̀: Itinↄ, 
Yebusinↄ, Amↄrinↄ, Gigasinↄ, 
Ivinↄ, Akinↄ, Sininↄ, 
Avadanↄ, Zɛmarinↄ kↄ̃n Amatanↄo. Kanaa pìnↄ dàgula zãamɛ. 
Aↄ̃ bùsu lɛ́zɛkiin yɛ̀. Bↄna zaa Sidↄ̃ gana Gera kɛ̀ kú Gaza saɛ ai Sↄdↄmu kↄ̃n Gↄmↄrao kↄ̃n Adamao kↄ̃n Zeboimu kɛ̀ kú Lasa saɛo. 
Hamu nɛ́gↄ̃gbɛ̃nↄn gwe bori kↄ̃n boriio bùsu kↄ̃n bùsuo danɛdanɛ, baade kↄ̃n a boriyão. 
Yafɛti dãaro Sɛmu borii kɛ̀ dↄ. Àmbe Eberunↄ dezi káaku ũ. 
Sɛmu nɛ́gↄ̃gbɛ̃nↄ tↄ́n yɛ̀: Elamu, Asiria, Apasada, Ludu kↄ̃n Aramuo. 
Aramu nɛ́gↄ̃gbɛ̃nↄ tↄ́n yɛ̀: Uzu, Hulu, Geta kↄ̃n Mɛsɛkio. 
Apasada bé à Sela ì, ben Sela Eberu ì. 
Eberu nɛ́gↄ̃gbɛ̃nↄ ì gↄ̃ↄn plaa. À doo tↄ́n Pɛlɛgi, zaakɛ à gurↄↄn wà kɛ̃̀kↄ̃a anduna guu. À dãaro tↄ́n Yↄkↄtã. 
Yↄkↄtã nɛ́gↄ̃gbɛ̃nↄ tↄ́n yɛ̀: Alamↄdada, Sɛlɛfi, Azamavɛ, Yera, 
Adoramu, Uzala, Dikala, 
Obala, Abimaɛli, Seba, 
Ofi, Avila kↄ̃n Yobabuo. Yↄkↄtã nɛ́gↄ̃gbɛ̃nↄn gwe píngi. 
Bↄna Mɛsa gana Sefa kↄ̃n kpiii kɛ̀ kú ↄfãntɛ̃bↄɛ kpaanↄ, àmbe ń bùsu ũ. 
Sɛmu nɛ́gↄ̃gbɛ̃nↄn gwe píngi bori kↄ̃n boriio bùsu kↄ̃n bùsuo danɛdanɛ, baade kↄ̃n a boriyão. 
Nuu nɛ́gↄ̃gbɛ̃nↄ boriinↄn gwe danɛdanɛ bùsu kↄ̃n bùsuo. Aↄ̃ kiian anduna bori píngi bↄ̀n aↄ̃ dàgula í dana andunalaa gbɛra. 
