﻿ካፋራመሮ ያንሳኮክ ሀንዳ ካሆሬ.
1.
ሃፉራ ካግርኮክ ጋራ ሆራርጀዋ ካግረ፥ ካማልነኖ፥ ኢልኦ ኦታኒ ካዴነኖ አንዴ ትችንሰ ካዴነኖ ገነኖኦታንና ካድኔራን አዬስናና። 
ሂክ ግር ሙተራ፤ ኖና ዴነና፤ እስኑን አቶትናና። ኦዶ ዶሌ ካግረና፥ ኖና ካሙተሮ ጅሩ ጅሮማክ ግር እስኑን ሰግናና። 
እስና ኖኔ ዎታ ራቶናት ጎጎግሮ ካዴነኖና ካማልነኖ እስኑን ሰግናና። ራቶናትካን ኦዶነና፥ ኤረ የሱሳ ክርስቶሳነ ዎታያ። 
ገጌሎኦታን ልክኒዕ ጎጎሌራኑን ሂካ አን እስኑን ጻፍናራ። 
ኡሱኮ ካማልነኖ እስኑና ካሰጋና ሀንዳ “ዋ ኢፋያ፤ ሙጉድና ኡሱ ዶሌ ዱዶ ላኮግሮ” ካአማሮያ። 
ሙጉዲ ሰሴታ ኡሱነ ዎታ ራቶናት አብና ጎአምኔ ጣራ አዬሳና፤ ሩምና ላግቶ። 
አየሱን ጎአመን ዋ መተኬሳ ኢፋይ ጎጎግሮ፥ ኖና ኢፋ ጎሰሴነ እስ እስኦሮ ኖ ኮ ላኖ አብና፤ ኡሱማለና ኤረኬሳክ ካየሱሳ ክርስቶሳ ኢግ ጩቦ ዱባኮ ኖ ሙጭእስናራ። 
ጩቦ ላኮአብኖ ጎአምኔ እስኦታን ሶባታና፥ ሩምና ኖ ኦሮ ላኮግቶ። 
ጩቦካን ኡሱን ጎሰጋነ ጩቦካን ሀሄሶ አምን፥ ሜላነ ዱባኮ ሙጭስን ኡሱ ካአብዳመና ቁሉክያ። 
ጩቦ ላኮፈልነኖ ጎአምኔ፥ ኡሱ ካጣራ የላና፤ ሃፉራና ኖ ኦሮ ላኮግሮ። 
