﻿ZABURA.
149.
Aleluya! À lɛ̀ dufu sí Dikirinɛ, à a táaki lɛ́ a gbɛ̃nↄ kↄ̃kakaranaa gũn. 
Isarailanↄ pↄ kɛ nna ń Kɛ̀riia, Zaiↄ̃denↄ pↄnna kɛ kũ ń kínao. 
Ò ũ wã ò a tↄ́ bo, ò a táaki lɛ́ kũ mↄrↄↄo kũ sɛ̃gɛ̃sɛ̃gɛ̃o. 
Zaakũ Dikiri gbɛ̃nↄ yã dì káagu, àdi surabana fùra kú zĩdabusarinↄnɛ. 
Dikiri yãmarinↄ pↄnna wiki lɛ́ ń zĩ̀blena yãi, ò ayuwii kɛ ń wutɛbↄↄ musu. 
Luda táakilɛna gↄ̃ da ń lɛ́n, fɛ̃nɛda lɛ́kpaplade gↄ̃ na ń ↄĩ, 
de ò mↄra káo burinↄa, ò bùsu sĩnda pínki gbɛ̃nↄ wɛ́ tão, 
de ò ń kínanↄ yĩyĩ kũ mↄ̀kakↄ̃ananↄ, ò mↄ̀ ká ń kínɛnↄa, 
de ò yã dańla lákũ à kɛ̃na takada gũn nà. Gakuri kũ Dikiri yãmarinↄ ni len gwe. Aleluya! 
