﻿ZABURA.
140.
Dauda lɛ̀ɛ. Dikiri, ǹ ma sí gbɛ̃ vãninↄa, ǹ ma dãkpã gbɛ̃ pãsĩnↄ yãi. 
Òdi yã vãni laasun lɛ́ ń swɛ̃̀ɛ gũn, fìtiin òdigↄ̃ wɛtɛ gↄrↄ sĩnda pínki. 
Òdi ń lɛ́ kɛkɛ lán mlɛ̃̀ɛ bà, ń lɛ́gbɛ bi pitiko sɛwɛmɛ. 
Dikiri, ǹsun tó gbɛ̃ vãninↄ ↄ namaro, ǹ ma sí gbɛ̃ pãsĩnↄa, òdi lɛ́ kpákũsũ de ò ma pãtɛ. 
Zĩdabirinↄ wɛ̀ɛɛ yↄ̃̀mɛnɛ, ò tankutɛ kpàkpamɛnɛ, ò bàa kpàmɛnɛ zɛ́n. 
Dikiri, ma pìnnɛ: Ma Ludamɛ n ũ, ǹ sã kpá ma wɛ̃nda wikii, Dikiri. 
Dikiri Luda, ma surabari gbãna, mↄkↄ̃n kũ ndì ↄ kúmala zĩ̀lan, 
ǹsun tó gbɛ̃ vãninↄ ń pↄyeina zɛ́ lero, Dikiri, ǹsun tó ń lɛ́kpakũsũna kↄ̃ sɛ́ro. 
Gbɛ̃ kũ ò likamainↄ, ǹ tó yã vãni kũ òtɛni ma kpákpao wí ń musu. 
Ǹ tó tɛ́yↄ̃ wãna kúḿma, ǹ tó ò ń zu tɛ́n, ǹ tó ò si wɛ̀ɛ kũ oni bonlo gũn. 
Ǹsun tó gbɛ̃yakarinↄ zɛki le andunia gũnlo, ǹ tó kisira gↄ̃ gbɛ̃ pãsĩnↄ wɛ zɛnaa sari. 
Má dↄ̃ kũ Dikiri dì yã nna kpá wɛ̃ndadenↄa, àdi yã kɛkɛ takasidenↄnɛ a zɛ́a. 
Yãpura, gbɛ̃ mananↄ ni n tↄ́ bo, nɛ̀sɛpuradenↄ nigↄ̃ kú n arɛ. 
