﻿ZABURA.
42.
Kora burinↄ lɛ̀ɛ. Lákũ zↄ̃ dì swa sarɛ ni dɛ nà, lɛn n ni dì ma dɛ lɛ, Luda. 
Ma nini tɛn Luda ni dɛ, Luda Wɛ̃̀ndide pìi. Bↄrɛn mani le mà gɛ́ daalɛɛ? 
Wɛ́tɛ̃ mɛ́ à gↄ̃̀ ma pↄ́ble ũ fãnantɛ̃ kũ gwãanio, òdigↄ̃ pimɛnɛ gↄrↄ sĩnda pínki: N Luda kú máa? 
Ma nɛ̀sɛɛ wɛ̃̀nnɛ, akũ yã díkĩnanↄ dↄ̀magu, lákũ madì gɛ́ pari gũn nà ari Luda ↄnn, gbɛ̃nↄ dìgↄ̃ tɛ́tɛ ma kpɛ kũ ayuwiio, dikpɛkɛrinↄ dì dodomai kũ sáabukpanaao. 
Bↄ́yãin ma nɛ̀sɛɛ yàkaa? À kɛ̀ dera ma laakarii fùtɛɛ? Séde màgↄ̃ wɛ́ dↄ Ludai, zaakũ mani ɛra màgↄ̃ à sáabu kpá, ma Surabari, ma Luda. 
Ma nɛ̀sɛɛ yàka, akũ n yã dↄ̀magu zaa Miza kpigɛrɛɛi ari Yoda mìia, zaa Ɛmↄ kpinↄ musu. 
Ndì tó ísↄ̃kɛna kĩni gↄ̃ dↄ, í lòkotonↄ tɛn lɛ́ zukↄ̃i. N tò í tɛn damala, a sↄ̃ tɛn tá kũmao. 
Dikiri dì yenyĩ mↄmɛnɛ fãnantɛ̃, a lɛ̀ɛ dìgↄ̃ dↄ ma lɛ́n gwãani, matɛn wɛ́ kɛ Luda kũ à de ma wɛ̃̀ndi ũa. 
Madì pi Luda ma gbɛ̀sinɛ: Bↄ́yãin ma yã sã̀nguu? À kɛ̀ dera n tò màgↄ̃ tɛ́ kũ pↄsirao ma ibɛrɛ wɛ́tãmmana yãii? 
Ma waridↄmmarinↄ dì ma sↄ̃sↄ̃, akũ ma wánↄ dìgↄ̃ wí, òdigↄ̃ pimɛnɛ gↄrↄ sĩnda pínki: N Luda kú máa? 
Bↄ́yãin ma nɛ̀sɛɛ yàkaa? À kɛ̀ dera ma laakarii fùtɛɛ? Séde màgↄ̃ wɛ́ dↄ Ludai, zaakũ mani ɛra màgↄ̃ a sáabu kpá, ma Surabari, ma Luda. 
