﻿ZABURA.
29.
Dauda lɛ̀ɛ. Ákↄ̃nↄ malaikanↄ, à Dikiri tↄ́ kpá, à gakuri kũ gbãnao dↄ̃ Dikirinɛ. 
À Dikiri tↄ́ kpá, à kútɛ Dikirinɛ a kúadona gupuran. 
Dikiri kòto kú ínↄ musu, Luda Gakuride dì tó legũ pũtã, Dikiri kòto kĩni dↄ ínↄ musu. 
Dikiri kòto gbãna dↄ, Dikiri kòto gakuri vĩ. 
Dikiri kòtoo dì sida línↄ para, Dikiri dì Lɛbana bùsu sida línↄ para. 
Àdi tó Lɛbana kpinↄ vĩvĩ lán zùnɛ bà, Ɛmↄ gbɛ̀ sↄ̃ lán zùsanɛ bↄ̀rↄↄ bà. 
Dikiri kòtoo dì bo kũ legũpinanↄ, 
Dikiri kòtoo dì gbáranna yĩgãyĩgã, Dikiri dì Kadɛsi gbáranna yĩgãyĩgã. 
Dikiri kòtoo dì línↄ yĩgãyĩgã, àdi líkpɛnↄ pura kũ, gbɛ̃ kũ ò kú à ↄnnↄ tɛn pinɛ, Gakuridemɛ a ũ. 
Dikiri kú í kũ à da anduniala musu, Dikiri vutɛna Kína ũ gↄrↄ sĩnda pínki. 
Dikiri dì a gbɛ̃nↄ gba gbãna, Dikiri dì arubarika dańgu ògↄ̃ aafia. 
