﻿ZABURA.
20.
Dauda lɛ̀ɛ. Dikiri sí kũnwo n warikɛgↄrↄa, Yakubu Luda ↄ kúmma. 
À n sura ba bona a kúkia, à kpáńyĩ bona zaa Zaiↄ̃. 
À n sa'ona sí pínki, n sa'opↄ kũ òdi ká tɛ́n à tɛ́ kũnↄ dↄn. 
À pↄ́ kũ n pↄ yei kpámma, à tó ǹ pↄ́ kũ ntɛn pɛ́a le. 
Óni ayuwii kɛ zĩ̀ kũ n blè yã musu, óni tuta dↄ musu kũ ó Luda tↄ́o. Dikiri wɛ́kɛ kũ n kɛ̀ sí pínki. 
Má dↄ̃ sà kũ Dikiri dì kína kũ à à kà sura ba, àdi yã sí kãao zaa a bɛ kũ à kú adona, àdi tó à zĩ̀ ble kũ a gã̀sã gbãnao. 
Gbɛ̃kenↄ dì sↄ̃gonↄ náani kɛ, gbɛ̃kenↄ dì sↄ̃nↄ náani kɛ, ókↄ̃nↄ sↄ̃, Dikiri ó Ludan odì náani kɛ. 
Oni sata ò lɛ́tɛ, ókↄ̃nↄ sↄ̃ ónigↄ̃ zɛna gíngin. 
Dikiri, ǹ tó kína zĩ̀ ble. Tó o n sisi, ǹ wewá. 
