﻿ZABURA.
16.
Dauda lɛ̀ɛ. Ǹ ma dãkpã Luda, mↄkↄ̃n ma nanyĩ. 
Ma pì Dikirinɛ: Mↄkↄ̃mmɛ ma Dikiri ũ, n baasiro má pↄ́ mana ke vĩro. 
N gbɛ̃ kũ ò kú bùsu dí gũnnↄ, mↄ́kↄ̃nↄmɛ gakuride kũ ò kàmagunↄ ũ. 
Gbɛ̃ kũ òdi wã ò gɛ́ tãna kĩnaanↄ dì yã'ũmmana kpá ń zĩdaimɛ. Mani sa'o'aru kↄ́tɛ kũńworo, oni ń tãnanↄ tↄ́ ma ma lɛ́nlo. 
Dikiri, mↄkↄ̃mmɛ má n vĩ ndo, n ma ka ma bakaaa, ma wɛ̃̀ndi kú n ↄĩmɛ. 
N zĩtɛ lɛ́zɛkinↄ dàmɛnɛ gu mana gũn, gba kũ n dàmɛnɛ kàmagu. 
Mani Dikiri sáabu kpá kũ àdi lɛ́ dama yãi, bee gwãani àdi tó ma swɛ̃̀ ma gba laakarii. 
Madìgↄ̃ Dikiri e ma wɛ́n baala'i, lákũ à kú ma ↄplai nà, pɛ́ke ni ma lukaro. 
Abire yãi ma pↄ dìgↄ̃ nna, ma nɛ̀sɛgũn pù. Má tãmaa vĩ kũ ma mɛ̀ nigↄ̃ kun, 
zaakũ ĩni ma tó mira gũnlo, ĩni we n gbɛ̃ kũ à kú adona yagi kũro. 
N ma da wɛ̃̀ndi zɛ́a, ma pↄnna nigↄ̃ pana n kĩnaa, pↄ́ mananↄ nigↄ̃ kú n ↄĩ gↄrↄ sĩnda pínki. 
