﻿ƐZƐRA.
2.
Babilↄnu kína Nɛbukanɛza Isarailanↄ kũ̀kũ zĩ̀zↄ ũ à tà kũńwo Babilↄnu yã, akũ ń gbɛ̃kenↄ bò zĩ̀zↄkɛ pìn ò sù Yurusalɛmu, Yudanↄ bùsun sà, akũ ń baadi tà wɛ̃tɛa. 
Ń don'arɛdenↄn dí: Zɛrubabɛli, Yesua, Nɛɛmaya, Seraya, Relaya, Mↄdekai, Bilisã, Misipa, Bigivai, Reumu kũ Baanao. Isaraila gↄ̃gbɛ̃ kũ ò sùnↄ dasi lɛ́n dí. 
Parↄsu burinↄ gbɛ̃nↄn dúbu pla kũ mɛ̀n basↄraakↄ̃ akuri awɛɛplao. 
Sefatia burinↄ gbɛ̃nↄn wàa do kũ mɛ̀n basↄraakↄ̃ akuri awɛɛplao. 
Ara burinↄ gbɛ̃nↄn wàa aakↄ̃ kũ mɛ̀n bakɛ̃ndo sↄↄrosario. 
Pamↄabu buri kũ ò de Yesua kũ Yoabuo burinↄ ũnↄ gbɛ̃nↄn wàa gɛ̃ro donsari kũ kuri awɛɛplao. 
Elamu burinↄ gbɛ̃nↄn wàa suddo kũ mɛ̀n bupla akuri awɛɛsiikↄ̃o. 
Zatu burinↄ gbɛ̃nↄn wàa siikↄ̃ kũ mɛ̀n basuppla awɛɛsↄↄroo. 
Zakai burinↄ gbɛ̃nↄn wàa aakↄ̃ kũ mɛ̀n basↄraakↄ̃o. 
Bani burinↄ gbɛ̃nↄn wàa aakↄ̃ kũ mɛ̀n bupla awɛɛplao. 
Bebai burinↄ gbɛ̃nↄn wàa aakↄ̃ kũ mɛ̀n baro awɛɛ'aakↄ̃o. 
Azagada burinↄ gbɛ̃nↄn wàa suddo kũ mɛ̀n baro awɛɛplao. 
Adonikamu burinↄ gbɛ̃nↄn wàa aakↄ̃ kũ mɛ̀n baaakↄ̃ awɛɛsuddoo. 
Bigivai burinↄ gbɛ̃nↄn wàa kuri kũ mɛ̀n bupla akuri awɛɛsuddoo. 
Adini burinↄ gbɛ̃nↄn wàa pla kũ mɛ̀n bupla akuri awɛɛsiikↄ̃o. 
Ata burinↄ gbɛ̃nↄn basↄↄro plansari. 
Bezai burinↄ gbɛ̃nↄn wàa do kũ mɛ̀n basuddo awɛɛ'aakↄ̃o. 
Yora burinↄ gbɛ̃nↄn basↄↄro akuri awɛɛpla. 
Asumu burinↄ gbɛ̃nↄn wàa do kũ mɛ̀n baro awɛɛ'aakↄ̃o. 
Giba burinↄ gbɛ̃nↄn basiikↄ̃ akuri awɛɛsↄↄro. 
Bɛtilihamudenↄ gbɛ̃nↄn basuddo awɛɛ'aakↄ̃. 
Nɛtofadenↄ gbɛ̃nↄn bupla akuri awɛɛsuddo. 
Anatodenↄ gbɛ̃nↄn basuddo akuri plansari. 
Azamavɛdenↄ gbɛ̃nↄn bupla awɛɛpla. 
Kiriayarimudenↄ kũ Kɛfiradenↄ kũ Berodenↄ gbɛ̃nↄn wàa aakↄ̃ kũ mɛ̀n basuppla awɛɛ'aakↄ̃o. 
Ramadenↄ kũ Gɛbadenↄ gbɛ̃nↄn wàa aakↄ̃ kũ mɛ̀n baro awɛɛdoo. 
Mikimasadenↄ gbɛ̃nↄn basuddo awɛɛpla. 
Bɛtɛlidenↄ kũ Aidenↄ gbɛ̃nↄn wàa do kũ mɛ̀n baro awɛɛ'aakↄ̃o. 
Nɛbodenↄ gbɛ̃nↄn bupla akuri awɛɛpla. 
Magbisidenↄ gbɛ̃nↄn basuppla akuri awɛɛsuddo. 
Elamu pãnde burinↄ gbɛ̃nↄn wàa suddo kũ mɛ̀n bupla akuri awɛɛsiikↄ̃o. 
Arimu burinↄ gbɛ̃nↄn wàa do kũ mɛ̀n basuddoo. 
Lodudenↄ kũ Adididenↄ kũ Onↄdenↄ gbɛ̃nↄn wàa aakↄ̃ kũ mɛ̀n basuddo awɛɛsↄↄroo. 
Yɛrikodenↄ gbɛ̃nↄn wàa do kũ mɛ̀n basuppla awɛɛsↄↄroo. 
Senadenↄ gbɛ̃nↄn wàa baro plansari kũ mɛ̀n baraakurio. 
Sa'ori buri kũ ò sùnↄn dí: Yesua buri Yedaya burinↄ gbɛ̃nↄn wàa siikↄ̃ kũ mɛ̀n basↄraakↄ̃ akuri awɛɛ'aakↄ̃o. 
Ima burinↄ gbɛ̃nↄn wàa sↄↄro kũ mɛ̀n bupla akuri awɛɛplao. 
Pasu burinↄ gbɛ̃nↄn wàa suddo kũ mɛ̀n bupla awɛɛsupplao. 
Arimu burinↄ gbɛ̃nↄn wàa sↄↄro kũ mɛ̀n gɛ̃ro awɛɛplao. 
Levi kũ ò sùnↄn dí: Odavia buri Yesua kũ Kadamiɛlio burinↄ gbɛ̃nↄn baaakↄ̃ akuri awɛɛsiikↄ̃o. 
Asafa buri lɛ̀sirinↄ gbɛ̃nↄn basuddo akuri plansari. 
Zɛ́dãkpãri kũ ò de Salumu kũ Atao kũ Talamↄo kũ Akubuo kũ Atitao kũ Sobaio buri ũnↄ gbɛ̃nↄn basuppla donsari. 
Gbɛ̃ dínↄ burinↄ mɛ́ ò Luda ↄn zĩkɛrinↄ ũ: Zia, Asufa, Tabao, 
Kerosu, Sia, Padↄ̃, 
Lebana, Agaba, Akubu, 
Agabu, Salamai, Anana, 
Gidɛli, Gaa, Raya, 
Rezĩ, Nɛkoda, Gazamu, 
Uza, Pasea, Besai, 
Asana, Mɛunimu, Nɛfusimu, 
Bakabuku, Akufa, Aru, 
Bazalu, Mɛida, Asa, 
Bakosi, Sisera, Tema, 
Nɛzia kũ Atifao. 
Sulemanu zↄ̀bleri dínↄ burinↄ mɛ́ ò bò zĩ̀zↄkɛn ò sù: Sotai, Asofɛrɛ, Peruda, 
Yala, Daakↄ̃, Gidɛli, 
Sefatia, Atili, Pↄkɛrɛ Azebaimu kũ Amio. 
Luda ↄn zĩkɛrii pìnↄ kũ Sulemanu zↄ̀blerii buri pìnↄ kà gbɛ̃nↄn wàa do kũ mɛ̀n bakɛ̃ndo akuri awɛɛplao. 
Gbɛ̃kenↄ bò Tɛlɛmɛla kũ Tɛlasao kũ Kɛrubuo kũ Adↄ̃o kũ Imao, akũ odi le ò ń buri bozirɛ òńnɛ kũ Isarailanↄmɛ ń ũro. 
Delaya kũ Tobiao kũ Nɛkodao burinↄmɛ, ò kà gbɛ̃nↄn wàa aakↄ̃ kũ mɛ̀n bupla akuri awɛɛplao. 
Sa'ori buri kũ ò de Obaya kũ Akozuo kũ Bazilaio burinↄ ũ sù dↄ. Bazilai pì Giliada bùsu gbɛ̃ Bazilai nɛ́ sɛ̀ yã, akũ à a anzure pì tↄ́ sɛ̀. 
Gbɛ̃ pìnↄ ń tↄ́ wɛ̀tɛ buri bozirɛ takadan, ama odi boaro, akũ ò gìńnɛ kũ sa'orikɛo. 
Bùsu don'arɛde pìńnɛ, tó adi kɛ sa'ori ń yã gwà kũ Urimuo kũ Tumimuo baasiro, òsun sa'opↄ blero. 
Gbɛ̃ pìnↄ ń pínki gbɛ̃nↄn dúbu bupla awɛɛpla kpɛ́ wàa do kũ basↄraakↄ̃omɛ. 
Ń zↄ̀bleri gↄ̃gbɛ̃nↄ kũ nↄgbɛ̃nↄ kun dↄ gbɛ̃nↄn dúbu suppla kpɛ́ wàa do kũ basuddo akuri awɛɛsupplao. Lɛ̀sirinↄ gↄ̃gbɛ̃ kũ nↄgbɛ̃o kú kũńwo dↄ gbɛ̃nↄn wàa do. 
Ò sↄ̃ vĩ mɛ̀n wàa aakↄ̃ kũ mɛ̀n basuddo akuri awɛɛsuddoo, baragbãsↄ̃ wàa do kũ mɛ̀n bupla awɛɛsↄↄroo, 
lakumi wàa pla kũ mɛ̀n baraakuri awɛɛsↄↄroo, zaaki dúbu suddo kpɛ́ wàa aakↄ̃ kũ basuddo. 
Kũ ò kà Dikiri kpɛ́ bokia Yurusalɛmu, ń ↄmbedenↄ gba dà, de ò le ò Luda kpɛ́ kɛkɛ ò boo a gbɛ̀n. 
Ò gba dà kpɛ́ zĩ ↄgↄditɛki gũn ń gbãna lɛ́n, wura kiloo wàa pla kpɛ́ basↄↄro, andurufu tↄn aakↄ̃ kũ sa'ori gyabanↄ basↄↄro. 
Sa'orinↄ kũ Levinↄ kũ lɛ̀sirinↄ kũ zɛ́dãkpãrinↄ kũ Luda ↄn zĩkɛrinↄ kũ gbɛ̃ kpara kenↄ vùtɛvutɛ lakutu kũ ò kɛ̀kɛńnɛnↄ gũn, akũ Isaraila kparanↄ vùtɛ ń wɛ̃tɛnↄ gũn. 
