﻿Nả ꞌviạk ꞌchí ꞌchọ pên ók.
7.
Lăng nả ꞌviạk ꞌnặn, khỏi hên sí tiên ꞌchạư dưn dú sí phương#ꞌphạ, cẳn ꞌlốm ꞌtếng sí phương#ꞌphạ, báu#hảư ꞌlốm đaư ꞌpặt ꞌmá sáư#đin, sáư ꞌnặm#bể, ꞌhứ#ꞌva sáư co ꞌmạy đaư#đảy. 
ꞌLẹo khỏi hên tiên ꞌchạư ꞌnưng#máư, khửn ꞌmá té ꞌtáng ta ꞌvến#ók, khắm dáu Chảu Pua ꞌPhạ phủ ꞌmí ꞌlới#dú. Tiên ꞌchạư phủ ꞌnị khék sương nháư sáư sí tiên ꞌchạư phủ đảy phép ꞌdệt ꞌhại hảư đin kéng ꞌnặm bể ꞌnặn#ꞌva, 
“ꞌNhá ꞌdệt ꞌhại hảư#đin, ꞌnặm bể ꞌhứ#ꞌva co ꞌmạy ꞌtạu ꞌchớ đaư ꞌháu đảy ꞌnhăm dáu sáư nả đén phủ ꞌkhớng nả ꞌviạk Chảu Pua ꞌPhạ Chảu Chom ꞌháu#cón.” 
ꞌLẹo khỏi đảy ꞌnghín ꞌpứng ꞌcốn đảy ꞌnhăm dáu ꞌnặn ꞌva ꞌmí ꞌto#đaư, ꞌtếng mết ꞌmí 144,000#ꞌcốn. ꞌPứng ꞌcốn phủ đảy ꞌnhăm dáu ꞌnặn ók ꞌmá nẳng ꞌtếng#cá síp song ꞌhọ ꞌháng ꞌphắn ꞌcốn ꞌI‑ꞌsa‑ên ꞌsướng: 
ꞌHọ Du‑đa ꞌmí 12,000 ꞌcốn ꞌHọ ꞌLu‑bên ꞌmí 12,000 ꞌcốn ꞌHọ Cát ꞌmí 12,000 ꞌcốn 
ꞌHọ ꞌA‑ꞌsê ꞌmí 12,000 ꞌcốn ꞌHọ ꞌNệp‑ꞌtha‑ꞌli ꞌmí 12,000 ꞌcốn ꞌHọ ꞌMa‑ꞌna‑ꞌsê ꞌmí 12,000 ꞌcốn 
ꞌHọ ꞌSi‑ꞌmê‑ôn ꞌmí 12,000 ꞌcốn ꞌHọ ꞌLê‑ꞌvi ꞌmí 12,000 ꞌcốn ꞌHọ Ít‑ꞌsa‑ꞌkha ꞌmí 12,000 ꞌcốn 
ꞌHọ Sê‑bu‑ꞌlôn ꞌmí 12,000 ꞌcốn ꞌHọ Dô‑ꞌsệp ꞌmí 12,000 ꞌcốn ꞌLẹo ꞌhọ Bên‑da‑ꞌmin ꞌmí 12,000 ꞌcốn đảy ꞌnhăm dáu. 
Lăng ꞌpứng nả ꞌviạk ꞌnặn, khỏi ꞌlé hên ꞌmí ꞌcốn ế lai chao ꞌnặp báu#ꞌlọn, mết ꞌchu ꞌphắn#ꞌcốn, ꞌchu ꞌhọ#ꞌháng, ꞌchu ꞌchựa#sai, ꞌchu ꞌnéo pák#ꞌvạu. ꞌPứng ꞌcốn ꞌnặn ꞌnung sửa ꞌhí ꞌpẹk#saư, khắm cản#tao, dưn dú tó nả ꞌtến Chảu Pua ꞌPhạ kéng tó nả ꞌDo#ꞌnọi. 
Sau au căn khék sương nháư khửn#ꞌva, “ꞌViạk ꞌsúm ꞌháu khói sia báp ꞌsội ꞌnặn ꞌcọ đảy ꞌdọn công ꞌphún Chảu Pua ꞌPhạ Chảu Chom ꞌháu phủ ꞌnăng ꞌtến kéng ꞌDo#ꞌnọi.” 
ꞌTếng#cá tiên ꞌchạư dưn dú ỏm ꞌlọm#ꞌtến, ỏm ꞌlọm mốt thảu ké kéng sí tô sắt ꞌmí ꞌlới dú#ꞌnặn, ꞌdiến múp nả ꞌlống tó nả#ꞌtến, ꞌpá căn ꞌlạy Chảu Pua ꞌPhạ lỏ#ꞌva: 
“ꞌA‑ꞌmen. ꞌViạk sỏng ꞌnhó, ꞌchư siêng ꞌhung#ꞌhướng, ꞌmí ꞌhụ ꞌmí#lắc, ꞌquám đảy#ꞌdọn, ꞌhung nả ꞌmá#ta, phép nháư ꞌquiến#luông, phép ꞌhéng kheng#cả, so hảư pên khong Chảu Pua ꞌPhạ Chảu Chom ꞌsúm ꞌháu ꞌmứa nả ꞌlới#ꞌlới, ꞌa‑ꞌmen.” 
Cuông mốt thảu ké ꞌnặn ꞌmí phủ ꞌnưng tham khỏi#ꞌva, “Chảu ꞌhụ#a, ꞌpứng ꞌcốn ꞌnung sửa ꞌhí ꞌpẹk saư ꞌnặn ꞌmen#phaư? Dú cá đaư#ꞌmá?” 
Khỏi lỏ ꞌva, “ꞌTan ꞌhới, khỏi báu#ꞌhụ, ꞌtan pên phủ#ꞌhụ.” ꞌTan phủ ꞌnặn chắng bók khỏi#ꞌva, “ꞌPứng ꞌcốn ꞌnặn đảy chuốp ꞌnạp têng khổ khốn ꞌhại ꞌhéng ꞌnặn ók#ꞌmá. Sau đảy au ꞌlượt ꞌDo ꞌnọi Chảu Pua ꞌPhạ ꞌmá ꞌsặc sửa ꞌhí#sau, ꞌdệt hảư đón ꞌpẹk#saư. 
ꞌPưa ꞌsướng ꞌnặn sau chắng đảy dú tó nả ꞌtến Chảu Pua#ꞌPhạ, báu#ꞌva ꞌvến ꞌcứn sau ꞌcọ vảy ꞌháu ꞌTan chảu dú nẳng ꞌhướn vảy#ꞌsớ. ꞌLẹo ꞌTan chảu phủ ꞌnăng ꞌtến ꞌchí pảy pốc ꞌcụm cuôm dú cắp#sau. 
Sau ꞌchí báu#ứt khảu dák ꞌnặm sắc ꞌtưa#máư. Ta ꞌvến ꞌhứ#ꞌva đét ꞌhọn ꞌcọ báu#ꞌhọn khẻm ꞌhọt#sau, 
ꞌpưa#ꞌva ꞌDo ꞌnọi Chảu Pua ꞌPhạ dú cang ꞌtến ꞌnặn ꞌchí ꞌlăm đu bớng ꞌdéng au#sau, ꞌpá sau pay ha ꞌnặm bó ꞌnéo hảư ꞌmí ꞌchua#ꞌlới. ꞌLẹo Chảu Pua ꞌPhạ ꞌchí ꞌchệt mết ꞌnặm ta ók sia ta#sau.” 
