﻿ꞌKha‑ꞌla‑tia.
6.
ꞌPi ꞌnọng ꞌhặc ꞌpéng, lon hên phủ đaư ꞌdệt#phít, ꞌpi ꞌnọng phủ ꞌmí Chảu Khuôn Saư uôn ꞌpá chắng ꞌcoi ꞌdệt chaư ón van ꞌchoi sau ꞌcứn pên ꞌcốn#đi. ꞌPi ꞌnọng ꞌcọ hảư ꞌchự hiêm#au, ꞌnhá tốc báng ꞌlứa ꞌtoi ꞌtáng phít pék#sau. 
Hảư ꞌcặm na ꞌpá nắc ꞌchoi#căn, ꞌnéo ꞌnặn ꞌcọ ꞌmen ꞌdệt ꞌtoi ꞌluột Chảu ꞌKha‑ꞌlịt. 
ꞌVa phủ đaư ảng chảu ꞌhiạk pên nháư hák#ꞌva báu#ꞌmí ꞌluống#săng, phủ ꞌnặn ꞌcọ chảu hák bẻo#chảu. 
Phủ đaư phủ ꞌnặn hảư sét bớng ꞌviạk chảu ꞌdệt pên ꞌnéo#đaư, ꞌlẹo chảu hák ꞌchí ꞌmí ꞌnéo sôm chaư nẳng ꞌviạk#chảu, báu#đảy ꞌvẹt sáư phủ#ứn. 
Nả ꞌviạk phaư ꞌmắn lỏ#ꞌcặm#au. 
Phủ đảy ép ꞌquám Chảu Pua ꞌPhạ ꞌcọ hảư béng păn ꞌchu sính khong đi hảư phủ bók son#chảu. 
ꞌNhá hảư chảu hák bẻo ꞌlứa chảu, ngắm ꞌhiạk Chảu Pua ꞌPhạ ꞌchí báu#ꞌhụ. Phủ đaư púk ván ăn đaư ꞌcọ đảy kếp kiếu ăn#ꞌnặn. 
Phủ đaư ꞌdệt ꞌtoi chaư cáu ꞌluống báp#ꞌsội, ꞌcọ ꞌchí ꞌchọ pưới ꞌnau pay ꞌtoi chaư cáu ꞌluống báp#ꞌsội. Phủ đaư ꞌdệt ꞌtoi Chảu Khuôn Saư uôn#ꞌpá, ꞌcọ ꞌchí đảy ꞌchua ꞌlới#ꞌlới nẳng Chảu Khuôn#Saư. 
ꞌHáu ꞌnhá nắc nưới ꞌmá nẳng ꞌviạk ꞌdệt#đi. ꞌVa ꞌháu cứ chaư#đảy, ꞌhọt ꞌchớ ꞌháu ꞌcọ ꞌchí đảy sưởng ꞌnéo#đi. 
ꞌSướng ꞌnặn ꞌchớ đaư ꞌháu ꞌdệt#đảy, lỏ#ꞌdệt ꞌnéo đi cắp ꞌcốn ꞌtếng#cá, cón mết lỏ#ꞌpứng ꞌpi ꞌnọng ꞌchưa Chảu ꞌGiê‑ꞌsu. 
Hảư bớng sư ꞌnị ꞌmen ꞌmứ khỏi tẻm ꞌmá hảư ꞌpi ꞌnọng tô nháư sắm#đaư. 
ꞌPứng ꞌcốn khốm ꞌpi ꞌnọng hảư ꞌdệt ꞌhịt tắt mai ꞌnặn ꞌmen ꞌpứng phủ é đảy nả đảy ta hảư ꞌcốn sưng#chảu, ꞌpưa sau é khói sia ꞌcốn ꞌnạp têng nẳng ꞌviạk páo kháo Chảu ꞌKha‑ꞌlịt tai ꞌtếng ꞌmạy tháng khen ꞌto#ꞌnặn. 
Ta#ꞌva sau đảy ꞌdệt ꞌhịt tắt#mai, ꞌcọ báu#đảy ꞌdệt ꞌtoi ꞌluột Chảu Pua ꞌPhạ bók#ꞌvạy. Hák#ꞌva sau é hảư ꞌpi ꞌnọng nhẳn ꞌdệt ꞌhịt tắt mai ꞌpưa sau ꞌchí ꞌmí ꞌluống ảng nẳng ꞌmo ꞌkính ꞌpi#ꞌnọng. 
Khỏi ꞌnị báu#ꞌmí săng ꞌmá#ảng, ꞌmí ꞌto nả ꞌviạk ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu tai ꞌtếng ꞌmạy tháng#khen, ꞌdọn ꞌmạy tháng khen ꞌnị khỏi đảy ꞌváng sia ꞌviạk phái ꞌmướng#ꞌlum, ꞌlẹo ꞌcốn phái ꞌmướng ꞌlum ꞌcọ đảy ꞌváng sia#khỏi. 
ꞌHịt tắt mai ꞌnặn ꞌdệt ꞌhứ báu#ꞌdệt ꞌcọ báu#pên#săng, ꞌmí ꞌto nả ꞌviạk đảy pên ꞌcốn#máư. 
So Chảu Pua ꞌPhạ ín đu ꞌhặc ꞌpéng ꞌpứng phủ kin dú ꞌtoi ꞌluống ꞌtáng ꞌvạu ꞌmá nưa ꞌnặn hảư đảy súc sáng bang#chaư, lỏ#ꞌmen ꞌpứng phủ ꞌTan chảu ꞌnặp pên dên ꞌpay ꞌTan#chảu. 
Té ꞌkhạy pay nả, phaư ꞌcọ ꞌnhá cuôn chaư khỏi#ꞌtọn, ꞌpưa#ꞌva ꞌpứng ꞌhói bát nẳng tô khỏi ꞌnị ꞌcọ ꞌpộ khỏi ꞌkhớng nả ꞌviạk Chảu ꞌGiê‑ꞌsu. 
ꞌPi ꞌnọng ꞌhặc ꞌpéng, khỏi đé so công ꞌphún ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu dú cắp ꞌnặp pheng ꞌpi#ꞌnọng, ꞌa‑ꞌmen.
