﻿Barŋanii nba ki  MATIU  din sɔb nae na.
1.
Yiisa Masia yeejamm piinue na: u din tee Defid yaaboonne, ki Defid mun tee Abraham yaaboonn. 
Abraham din mar Aisak, ki Aisak mar Jakɔb, 
Juda din mar Peres nan Sera, ki bi naa tee Tamar; 
Ram din mar Aminadab, ki Aminadab mar Nasonn, 
Salmonn din mar Boas, wunba naa din tee Rahab na; 
Jese din mar Kpanbar Defid; ki Defid mun mar Solomonn, 
Solomonn din mar Rehoboam, ki Rehoboam mar Abia, 
Asa din mar Jehosafat, ki Jehosafat mar Joram, 
Yusia din mar Jotam, ki Jotam mar Ahas, 
Hesekia din mar Manase, ki Manase mar Amonn, 
ki Josaya mar Jekonaya nan u waarii, 
Baa din soorib ki saan namm Babilonn na poorpo, 
Serubabel din mar Abiud, ki Abiud mar Elayakim, 
Asor din mar Sadok, ki Sadok mar Akim, 
Eliud din mar Eleasar, ki Eleasar mar Matann 
Jakɔb din mar Joosef, ki Joosef mun tee Meeri sɔrɔ, 
Laa din nyii Abraham yoo ki tan tuu Defid yoo din tee yeejamm piik nan bannae. Ki Defid yoo ki tan tuu yoo nba ki bi din soor niib maŋ ki saan namm Babilonn na, din tee yeejamm piik nan banna. Laa din nyii li yoo ki tan tuu Masia maaru yoo, mun din tee yeejamm piik nan bannae. 
Baa din mar Yiisa Masia biaŋinbae na: u naa Meeri din tee Joosef sarkpeŋe, ki bi daa ki kɔɔn leeb, ŋaan ki bi din tan la ki u mɔk poor. Yennu Seyeeŋ paŋ nie ki u soor poor maŋ. 
Joosef nba ki u din yaa wun kunɔ na din tee Yennu nipeemɔe. Li paak, u din ki loon wun nyinnir paanu ki lin dinn Meeri fei, ŋaan u din lor u par nie nan u ji kan kɔɔnɔ. 
Waa ji din dukii linba na po nae, ki Yennu malaka baar u boor, damiit ni, ki tan betɔ a “Fin Joosef nba tee Defid yaaboonn na, daa yêen a sarkpeŋ Meeri kɔɔnu, kimaan waa mɔk poor nba na, Yennu Seyeeŋ paŋe te ki u soor poor maŋ. 
U tan saa mar bonjake, ki a saa purɔ Yiisa, kimaan u tan saa nyinn u niib bi biit ni.” 
Linba na kur din tun, a lin gbeen linba ki Yennu din te ki u sɔkiniisɔɔ pak li po nae a, 
“Sapaanmunn tan saa soor poor ki mar bonjak, ki bi saa purɔ Imanuel.” Li paak tee a “Yennu be nant.” 
Joosef nba din tan fiir gɔɔn ni yoo nba, ki u tun nan Yennu malaka na nba betɔ biaŋinba na, ki ji sak ki gaar u sarkpeŋ Meeri, 
ŋaan u din ki kɔɔnɔ nan waa din tan mar u sapaanmar, bonjak na. Ki Joosef pur u sann Yiisa. 
