﻿Yaŋ.
110.
Yennu din yet n Yomdaanɔ a, “Karin n niidiitu po mɔkmɔk nan maa tan saa jii a datai ki teemm a taakpakita.” 
Yennu sii be Sayɔnn nie ki tant a naangbouŋ. U yeen a, “Ii dia a datai.” 
Daar nba ki a saa kɔn nan a datai na, a niib saa somma. A naasimm saa nyi ki baar a boor, kasii kunkona na paak nan marin nba tuu baa sanyiɔk ni na. 
Yennu senn mɔsonjaanne, ki kan ban yakir mɔsonn maŋ paak. U yet a, “A sii yɔɔ tee manntɔɔe, Melkisedek paabu ni.” 
Yennu see a diitu po; u wutoor-i doo yoo nba, u saa nyann kpanbara. 
U saa bu digbana buut, ki te ki nikpeena lar tɔb ni; u saa nyann kpanbara tingbouŋ na kur po. 
Kpanbar na saa nyu kpenu nba be sɔnjokpiŋ na ni, ki la paŋ ki set ki nyann u datai. 
