﻿Yaŋ.
15.
Yennu, ŋmee saa fit kɔɔ a jiantu ŋasaakak ni? Ŋmee saa fit jianta, a kasii kunkonn Sayɔnn na paaki? 
See nirɔ nba saak fin Yennu mɔb, ki bia yɔɔ tuun linba took, wunba mɔbona tee barmɔnii, ki faak kaa leŋ; 
Wunba ki gbii tiŋ u leeb paak. U ki tuun biit ki teen u leebi, u bia ki gbiin biya. 
U yisin binba ki Yennu yêemm nae; ŋaan baakit binba saak Yennu mɔb na. Wuu senn mɔsonn, u tuu tume, li pann-i lekii jan biaŋinba. 
Wuu kpent bont ki tur nirɔ, u ki boi nyɔɔt po. U ki saak ki bi nyar u mɔb ki u piak ki biir wunba mɔk mɔnii. Wunba tuun linba na kur, u sii yɔɔ be fanue. 
