﻿Job.
25.
Ki Bildad, wunba tee Sua booru ni nirɔ na jiin a: 
Yennu-e mɔk yiikoo, li ŋan ki ti kur n tinɔ jaŋmaanii; u te ki parmaasir be yendɔuŋ ni. 
Sɔɔ be ki saa fit kan malakanba, binba tuun u boor nawa-a? Siar boor be ki yabint Yennu yentu na ki yentir leŋi-i? 
Sɔɔ sii fit be fanu koo ki yeen Yennu boora-a? 
Ŋmaarik yentu koo ŋmaabira yentu gbaa, li ki yeen Yennu boori, 
ŋma ji boi nisaariki, wunba tee nanwubir ki tee bonmumɔɔk na? Nisaarik nyɔɔt tee bee Yennu boori? 
