﻿Zabur.
131.
Dém pa Urshalimá borzád rawagay sawté. Dáuday zabur. Oo Hodáwand! Mani del gorunák naent o na ke mani chamm porkebr ant. Gón mazanén kárán delgósha nabán o na gón á kárán ke mani delá bákamál ant. 
Man watá chopp o árám kortag cha shirá sestagén nonnokéay paymá ke mátay kotthá ent. Haw, mani arwáh cha shirá sestagén nonnokéay paymá árám geptag. 
Oo Esráil! Ométá pa Hodáwandá bedár, annun o tán abad. 
