﻿Irimiya.
46.
Vuzavaguɗu yaꞋin Irimiya a dama iɗika i na i buwai. 
N ugiti a dama a iɗika i Masar. Na ɗa akaka a dama osoji a FiriꞋauna Neko mogono ma Masar, aza Nebukanezaru mogono ma Babila malyaꞋi n kuvon a Karikemishi o kuɗolu ku Yufiritu a ka̱ya̱ ka na̱shi ka tsugono tsu Jehokimu kolobo ka Josiya mogono ma Yahuda. 
Ɗa ajagaba ovonshi a Masar a lapai una̱, a u danai,<<Foɓusoi nra̱ga̱ n ɗa̱, vuzagbayin n maku, ka̱ta̱ yuta̱ a dama kuvon. 
Shiyakai odoku a̱ɗa̱ igolu, ka̱ta̱ ishiya ka le ekeke odoku. Ka̱ta̱ Yaba dem u shamgba ubuta̱ u ni n nkun ma akpanu a aci a̱ɗa̱. Gboroi nsara n ɗa̱, ka̱ta̱ i uka ntogu n kuvon. 
Yeɗei mi e kene? I ta̱ o wovon, i ta̱ o ku ronono o kubono n ka̱ca̱pa̱, a lyaꞋa ta̱ osoji e le, ɗa i a kusuma n ilaɗi babu kindana ka̱ca̱pa̱, a dama a na wovon u ka̱na̱ le ta̱ a kambu dem,>> 
<<Aza ilaɗi gogo a ku laꞋaka ba vuza vu utsura feu ta nannai. N tsu gaɗi a kuɗolu ku Yufiriti ta ɗe a ta̱ɗa̱tsa̱i ɗa a̱ yikpa̱i. 
<<Ya yi tamkpamu na lo a kuɗenga̱ an kuɗolu ku Nilu, An nɗolu n na mini e le mi a kuvuzukpa? 
Masar ɗa wi a kuɗenga̱ an Nilu, a nɗolu n na mini me le mi a kuvuzukpa. U danai, <Mi ta̱ a kuɗa̱nga̱ ka̱ta̱ n lyaꞋa u duniya. Ka̱ta̱ n la̱nga̱sa̱ likuci n uma e le.> 
Ɗa̱nga̱i, a̱ɗa̱ odoku sumai n ujari, a̱ɗa̱ akumbi ekeke odoku. YaꞋan osoji uta̱, aza Habasha n aza Futu aza na a ci ɗika n nra̱ga̱, n aza Lidiya, aza na a fuɗai utan. 
Ama kanna ka nanlo ka Vuzavaguɗu kaꞋa, Vuzavaguɗu MalaꞋimili, Kanna ka katsupu, a dama na u tsupa ka irala i ni. Kotokobi ki ta̱ a kupeɗe m mpasa ali ka̱ cuwa̱, ali sai kakuli ka̱ ni ko kotso m mpasa. a dama na Vuzavaguɗu, Ka̱shile Malyaimili wi ta̱ a kuyaꞋin alyuka, a likuci yi uɓon ugaɗi a ka̱kina̱ ka kuɗolu ku Yufiriti. 
<<Gaɗukpai a kubana a likuci i Giladi kuvece a̱guma̱, a vu mekere ma aza Masar. Ama gbani ɗa vu kuyaꞋan a̱guma̱ a nanlo, a dama na vi a kupotso ba. 
U duniya ra̱ka̱ wi ta̱ a kupana ukuna wu ili wono i nu, ma̱shi ma̱ nu mita̱ a kushana u duniya. A dama na kosoji ki ta̱ a kugama toku kosoji, ka̱ta̱ ra̱ka̱ le a̱ yikpa̱ koɓolo.>> 
Ɗa Vuzavaguɗu u danai Irimiya keneki a kaka a dama ukuna u ku ta̱wa̱ ku Nebukanezaru mogono ma aza Babila ku shilika̱ m Masar. 
<<Sala ukuna u na mpa a Masar, ka̱ta̱ vu dansa u ɗa a Magidolu, ka̱ta̱ kpamu vu dana aza Memfisu, n Tafanesu, dana le, <Yaba dem u foɓo, ka̱ta̱ u shamgba ubuta̱ u ni, a dama na kotokobi kita̱ a ku leɓece aza na i u ka̱ra̱i n a̱ɗa̱.> 
A dama a̱ iya̱n a ɗa ovonshi a̱ nu a paɗai bini? A fuɗa a shamgba ba, a dama na Vuzavaguɗu wi ta̱ a ku tecengu le iɗika. 
Ka̱ta̱ a̱ ka̱na̱ kufa̱ta̱tsa̱ n a̱ yikpa̱i, ka̱ta̱ a̱ ka̱na̱ kuyikpa̱ i toku i le. Ka̱ta̱ a dana, ɗa̱nga̱i, tsu kpatalai tsu bono a ubuta̱ u uma a tsu, a i ɗika yi umaci i tsu, tsu sumai a dama otokobi i rala i tsu.> 
Yeve ka̱ta̱ a dan. <FiriꞋauna mogono ma aza Masar ukuna wu utonu ɗa koci u fuɗai, u namba ta̱ a̱ga̱Ꞌin a̱ ni.> 
<<N kucina ta̱ n wuma u va̱, tsu na Vuzaguɗu u dansai, a̱yi na kula kuni ku ɗa Vuzavaguɗu Malyaimili, vuza yoku wi ta̱ a̱ kuta̱ an Tabuwa a̱ ka̱tsuma̱ ka nsansa, an Kamelu a ka̱kina̱ ka kuɗolu. 
Foɓusoi u canuku u ɗa̱ a dama a kubana u gbashi, a̱ɗa̱ na yi ida̱shi a Masar, a dama a na Memfisu wi ta̱ a̱ ku na̱mgba̱ ka̱ta̱ wokpo agali babu vuza. 
<<Masar, iɗika i singai ɗa, ama mgbototo n ta̱wa̱ le ta̱ a uɓon ugaɗi. 
Osoji a tsulaga a̱ ni i ta̱ an ndendem m maniꞋin. E le feu i ta̱ a kukpatala ka̱ta̱ a suma koɓolo n a̱ le, a kufuɗa a shamgba a yaꞋin kuvon ba, a dama na kanna ka atakaci ke le ka ta̱wa̱ le ta̱, kanna ka atakaci. 
Osoji aza Masar i ta̱ a kusuma uteku tsu na koko ka tsu suma ayin a na baci irala i dakaki kusaɓa le, i ta̱ a kusaɓa yi n ogovu an aza kukapa ka nɗanga. 
Ka̱ta̱ a kapa kuntsu ka nɗanga ku ni.>> <<tsu na i n ka̱yimbi. A laꞋa ta̱ akyun ka̱bunda̱i ka̱bunda̱i ke le ki kukece ba. 
Mekere ma aza Masar mita̱ o kusoꞋo wono, i ta̱ e ku nekei uma uɓon ugaɗi.>> 
Vuzavaguɗu Ka̱shile MalaꞋimili Ka̱shile ki Isaraila ka dana ta̱.<<N foɓuso ta̱ an ma ku takacika Amuno ka̱ma̱li ka Tebesu, n FiriꞋauna koɓolo n aza Masar n a̱ma̱li e le, n ngono n le koɓolo n aza na e nekei katsura ke le u FiriꞋauna. 
N ku neke le ta̱ ekiye aza na i a kula̱nsa̱ wuma u le, u Nebukanezaru mogono ma aza a Babila koɓolo n aza gba̱ra̱-gba̱ra̱ a̱ ni. Ama ka̱ta̱ m megeshe, kucikpa obono a da̱sa̱ngu a Masar va tsu ayin a cau,>> 
<<Ka̱ta̱ vu pana wovon ba, a vu Yakubu kagbashi ka̱ va̱, ka̱ta̱ i jeꞋe ikyamba ba, a̱ɗa̱ aza Isaraila. mita̱ a kisa ɗa̱ a iɗika ya n daꞋin, kumaci ku nu a ka̱tsuma̱ kugbashi. Ka̱ta̱ Yakubu u doku u ciya̱ ukanji m ma̱ta̱na̱. Kpamu babu vuza na u kudoku wa zuwai wovon. 
Ka̱ta̱ i pana wovon ba, Yakubu kagbashi ka̱ va̱, a dama na mita̱ koɓolo n a̱ɗa̱,>> ko an ma kuna uduniya ra̱ka̱ u na n wacuwai ɗa̱ we e le, mi a kuna ɗa̱ ba. n kugbara ɗa̱ ta̱, ama n kamayun, mi a ku ka̱sukpa̱ ɗa̱ babu ugbari ba.>> 
