﻿Ishipa i Sulemanu.
7.
Yiɗa̱i a ku gisanku n ugaꞋin u ene a̱ nu punu a ataka, avu mekere mo mogono, tsu na a yaꞋin nkuta̱ n nu tsa atali a singai ulinga we ekiye u vuza na u fuɗai ɗa. 
Koyoɗi ka̱ nu tsu mokokoꞋo, ma na ma tsu namba ma̱kya̱n mu usatari n icita ba. kukyun ku nu ki ta̱ tsu ma̱ta̱ka̱ ma alkama ma na apulufa a̱ ka̱ra̱Ꞌi. 
Mani ma̱ nu mi ta̱ tsu muku mu nreꞋe n re, mpeshe mu nreꞋe. 
Kuɗeku ku nu ki ta̱ tsu kumaꞋa ku na a yaꞋin n kanga ka kagiwa. A̱shi a̱ nu tsu nɗolu a Heshibon, ɗevu n utsutsu u Batu-rabimu. Vunu vu nu tsu kumaꞋa ku ugaɗi ku Lebano, ku na ki a ku inda Dimaska. 
Kaci ka̱ nu ka yaꞋanka wu ta̱ okolokolo tsu katali ka Kamelu. Ka̱nji ka̱ nu ki ta̱ a kutasa ulima̱, ka tsu ɗika ta̱ asuvu a̱ va̱ mogono. 
Macigi ma̱ va̱ vi ta̱ n tsuloboi, kpamu vu tsu zuwa mu ta̱ n pana uyoꞋo. 
Kashani ka̱ nu ki ta̱ tsu mashuwa, kpamu mani ma̱ nu ma yaꞋan ta̱ tsu umaci wu nɗanga. 
N danai, <<YaꞋan n kumba maɗanga, ka̱ta̱ n ka̱na̱ umaci u ni.>> ka̱sukpa̱ mani ma̱ nu mo okpo tsu umaci wi itacishi , ma̱gula̱ni ma ayinviki a̱ nu tsu umaci u ruman, 
kpamu una̱ u nu wi ta̱ tsu ma̱kya̱n ma na ma laꞋi nu ugain. Mekere ma dansai yaꞋan ma̱kya̱n ma laza ba̱ri, a kubana ubuta̱ u macigi ma̱ va̱, ma laza sawu a ka̱tsuma̱ ka nla̱ba̱ n anga. 
Mpa vuza̱ macigi va̱ ɗa, kpamu mali ma̱ ni adama a̱ va̱ a ɗa. 
Ta̱wa̱, macigi ma̱ va̱, yaꞋan tsu bana a kakamba, yaꞋan tsu asa a̱ likuci i waꞋa. 
YaꞋan tsu bana a kashina ki itacishi nu usana, adama a na ce ene ko nɗanga mi itacishi m matsa ta̱ ɗe, ko a̱pa̱lu ele o ɓoso ta̱ ɗe, ko nɗanga n ruman m pa̱lukpa̱ ta̱ ɗe, ta ɗe n kuyotsongu wu ucigi u va̱. 
Vi ta̱ a ku tsumgba ma̱gula̱ni mi ica̱Ꞌa̱shi m ma̱gula̱ni ma umaci wu nɗanga wu uyoꞋo. cau n ku gogo na macigi ma̱ va̱. 
