﻿Ishipa.
150.
Cikpai Vuzavaguɗu! Cikpai Ka̱shile a̱ ubuta̱ u ciɗa u ni, cikpai utsura u ni ɗe gaɗi, a̱ ubuta̱ wi ida̱shi i ni. 
Cikpai ni adama a ili i gbagbaꞋin i na u yaꞋin, cikpai ni adama a tsugbayin tsa̱ a̱bunda̱i ci ni. 
Cikpai ni n ciliki ci ishari, cikpai ni n ugogi n umolu. 
Cikpai ni n agundari n kujeꞋe, cikpai ni n aꞋin a umolu n igbala. 
Cikpai ni n ka̱la̱ka̱tsu ka̱ ma̱ka̱nla̱, cikpai ni nu nka̱nla̱ m mashi ka̱u. 
YaꞋan ili ya ayinviki ra̱ka̱ i cikpa Vuzavaguɗu. Cikpai Vuzavaguɗu.
