﻿Ishipa.
138.
Vishipa vu Dawuda. Vuzavaguɗu, mi ta̱ a kucikpa wu, n ka̱ɗu ka̱ va̱ dem, mi ta̱ a kucanana vishipa n cikpa wu e kelime ka̱ a̱ma̱li. 
Mi ta̱ a̱ kuɗa̱ngu a ku inda A̱Ꞌisa̱ a gbayin a̱ nu, n cikpa kula ku nu adama ucigi u nu u na u tsu sabaꞋa ba m ma̱riki ma̱ nu, adama a na vu neke ta̱ kula ku nu n kadanshi ka̱ nu tsugbayin a laꞋi ili dem. 
Kanna ka na n ɗekei nu, vu ushuku mu ta̱, vu nekei mu utsura u ka̱ɗu n utsura. 
Vuzavaguɗu, yaꞋan ngono ma aduniyan ra̱ka̱ n cikpa wu, a makyan ma na a panai kadanshi ka̱ nu. 
YaꞋan a canana ishipa adama a uye u Vuzavaguɗu, adama a na tsugbayin tsu Vuzavaguɗu tsu gbangam tsu ɗa. 
Ko a na wo okpoi Vuzavaguɗu wi ta̱ ɗe gaɗi, u tsu zuwaka ta̱ aza a na o goyoi ka̱ci ke le, ama u tsu yeve ta̱ aza a ugbamukaci e le daꞋin. 
Ko ɗa baci mi a̱ ka̱tsuma̱ ka atakaci, vi ta̱ e ku ere wuma u va̱. vi shilika̱ n irala i va̱ i na yi a wupa nu mpa vi tana a ku wawa mu n utsura u nu. 
Vuzavaguɗu wi ta̱ a kushatangu kusheshe ku ni wa̱ a̱ va̱. Vuzavaguɗu, ucigi u nu u na u tsu sabaꞋa ba wi ta̱ lo ko wannai. Ka̱ta̱ vu ka̱sukpa̱ ulinga we ekiye a̱ nu ba. 
