﻿Ishipa.
137.
A̱kina̱ e nyeneke m Babila, ta ɗe tsu da̱sa̱ngi ci shika̱i, a na ci ciɓai n Sihiyona. 
A gaɗi vu a nsaɓu a nɗanga, ta ɗe tsu saɓangi omolu u tsu, 
adama a na ta ɗe aza a na a̱ ka̱na̱i tsu, a zuwai tsu ishipa, a danai ci yaꞋan ka le ishipa. Aza a na a tsu takacika tsu a danai, ci yaꞋanka le ishipa i ma̱za̱nga̱, a danai,<<YaꞋankai tsu vishipa vi te a̱ ka̱tsa̱ma̱ ki ishipa i Sihiyona.>> 
Nini ɗai tsa kucanana vishipa vu Vuzavaguɗu a iɗika yo omoci? 
N cinukpa baci n avu Urushelima, yaꞋan kukiye ku usingai ku va̱ ku cinukpa n kufuɗa ku ni. 
YaꞋan kelentsu ka̱ va̱ ka paɗa a kalakpani ku una̱ u va̱, ɗa baci n ciɓai n avu ba, n ciga baci Urushelima u laꞋi ili i na ya kuzuwa mu ma̱za̱nga̱ ba. 
Vuzavaguɗu, ciɓa n unushi wa aza a Edom a kanna ka na Urishelima u yikpa̱i. Orukpoi a danai, <<A̱ fa̱da̱i, a̱ fa̱da̱i, ali a kubana a̱ kumiꞋi ku ni.>> 
Avu Babila, iɗika i munuka. Vuza vu una̱singai ɗa vuza na u kuyaꞋanka wu, tsu na vu yaꞋankai tsu. 
Vuza vu una̱singai ɗa a̱yi na wu isai nreɓu n nu u ɓasangi le atali. 
