﻿Ishipa.
136.
Cikpai Vuzavaguɗu. adama a na a̱yi vuza kasingai ɗa, 
Cikpai Ka̱shile a̱yi na u laꞋi a̱ma̱li dem. 
Cikpai Vuzavaguɗu, a̱yi na u laꞋi a̱ma̱li dem, 
a̱yi ɗa koci u ci yaꞋan ili i mereve i gbagbaꞋin, 
a̱yi na n kuyeve ku ni ɗa u yaꞋin gaɗi, 
a̱yi na u zuwai aduniyan a gaɗi vu mini mu uga̱vi, 
a̱yi na u yaꞋin kutashi ku gbagbaꞋin, 
kanna adama a na ka lyaꞋa tsugono tsu kanna, 
wotoi n azangata adama a na a lyaꞋa tsugono tsu kayin, 
a̱yi ɗa wu unai muku mu ugiti ma aza a Masar, 
wu utuka̱i aza a Isaraila a̱ ka̱tsuma̱ ke le 
n kukiye ku utsura n ili i mereve, 
a̱yi na u pecei mala ma shili ugboku ure, 
u tonoi n aza a Isaraila a walai e mere ma̱ ni, 
ama ɗa u niꞋwa̱ta̱ngi FiriꞋauna n osoji a̱ ni a mala ma shili, 
a̱yi na u tonoi n uma a̱ ni e meremune, 
a̱yi na u lapai ngono m gbagbaꞋin, 
ɗa wu unai ngono m gbagbaꞋin, 
Sihon, mogono ma aza a Amoriya, 
n Ogu, mogono ma Bashan, 
U nekei iɗika i le ci iliyuka̱ni, 
iliyuka̱ni u kagbashi ka̱ ni Isaraila, 
a̱yi na u cinukpai n a̱tsu ba a makyan ma na a lyaꞋi tsu. 
Wi isai tsu e ekiye a Irala i tsu, 
a̱yi na u ci neke ili i wuma ra̱ka̱ ilikulyaꞋa, 
Cikpai Ka̱shile ka gaɗi, 
