﻿Ishipa.
133.
Ishipa i kugaɗukpa a kubana a̱ ubuta̱ wa̱ a̱ga̱nda̱. Vishipa vu Dawuda. Mayun, ili i singai i ɗa m ma̱za̱nga̱ kpamu uma a̱ da̱sa̱ngu koɓolo an vuza te. 
Wi ta̱ an maniꞋin me kerengu ma singai, ma na mi e kuyene a̱ kucipa̱ a gaɗi vu kaci ka Haruna a̱ kuta̱wa̱ a̱ ntsa̱ka̱ n ni, ali a kubana e kuɗeku ku motogu ma̱ ni. 
Wi ta̱ an ciza tsu Hamon tsu na ci e kuyene a̱ kucipa̱ a gaɗi vu kusan ku Sihiyona, adama a na ta ɗe Vuzavaguɗu u yaꞋin uzuwakpani wu una̱singai u ni, wuma u ko wannai. 
