﻿Ishipa.
129.
Vishipa vu kugaɗukpa a kubana a̱ ubuta̱ wa̱ a̱ga̱nda̱. A̱ɗa̱ aza a Isaraila, yaꞋin n i dansai ukuna u nampa. <<Ali biꞋi mpa kenu, ɗa i a kutakacika mu ka̱u.>> 
<<Ali biꞋi mpa kenu, ɗa i a kutakacika mu ka̱u, ama a̱ ciya̱ ulyaꞋi wa̱ a̱ va̱ ba. 
Ɗa a yaꞋankai mu muna a ɓatsai mu a̱ kucina̱ ka̱u o bonokoi ku ɗa tsu kashina ka na a nimai.>> 
Ama Vuzavaguɗu vuza kasingai ɗa, u wawai mu a̱ ubuta̱ u tsugbashi. 
YaꞋan aza a na a iwain Sihiyona ra̱ka̱, yaꞋan o bono n wono. 
YaꞋan okpo an mita̱ ma na mu uta̱i a gaɗi vu kukpa̱Ꞌa̱, ma ci ɗekpe ta̱ kafu mo gbonguro, 
ma na ma ci shana ureci u kukiye ku vuza vu vikya ba, ko ekiye aza o kuɓolongu nta̱ka̱ ba. 
Ka̱ta̱ aza a nwalu a dana ba. <<YaꞋan una̱singai u Vuzavaguɗu u yongo a kaci ka̱ ɗa̱. ci ta̱ a ku zuwaka ɗa̱ una̱singai a̱ ka̱tsuma̱ ka kula ku Vuzavaguɗu.>> 
