﻿Ishipa.
128.
Vishipa vu kugaɗukpa a kubana a̱ ubuta̱ wa̱ a̱ga̱nda̱. Aza a̱ ma̱za̱nga̱ a ɗa ra̱ka̱ aza a na i a kupana wovon u Vuzavaguɗu, aza a na i a nwalu a uye u ni. 
Vi ta̱ a kulyaꞋa mele ma ulinga ma̱ nu, m ma̱za̱nga̱ n kasingai i ta̱ o ko okpo wa̱ nu. 
Vuka vu nu vi ta̱ o ko okpo tsu maɗanga mi itacishi ma limata a kpaꞋa ku nu, muku n nu kpamu tsu n nɗanga n zaitu uka̱ra̱Ꞌi n kirukpa ku nu. 
Nannai ɗa a kuzuwaka vuma una̱singai, vuza na u tsu pana wovon u Vuzavaguɗu. 
YaꞋan Vuzavaguɗu u zuwaka wu una̱singai a Sihiyona, a ayin a wuma u nu dem yaꞋan vu ene ulyaꞋi u kelime u Urushelima. 
YaꞋan vi yongo n wuma, vu ene ntsukaya n nu. Ma̱ta̱na̱ mo yongo koɓolo n aza a Isaraila. 
