﻿Ishipa.
127.
Vishipa vu kugaɗukpa a kubana a̱ ubuta̱ wa̱ a̱ga̱nda̱.Vishipa vu Sulemanu. Vuzavaguɗu ɗa baci u maꞋin kpaꞋa ba, ulinga wa aza a kumaꞋa gbani ɗa. Vuzavaguɗu ɗa baci we erei likuci ba, gbani ɗa a zuwa aza a kindi. 
Gbani ɗa i ci ɗa̱nga̱ n usana ka̱li-ka̱li yi kpamu o kubono a kpaꞋa ga̱ba̱ ba, yi atakaci adama a ilikulyaꞋa. Adama a na u tsu zuwa ta̱ aza na u cigai a uvuka mayin. 
Mayun, muku mo olobo kuneꞋe ku ɗa, a̱ ubuta̱ u Vuzavaguɗu, muku katsupu kaꞋa wa̱ ni. 
Tsa ayaꞋa ekiye o kosoji, nannai ɗa muku mo olobo n na a matsakai vuza a ayin a utsura u ni. 
Vuza vu ma̱za̱nga̱ ɗa, a̱yi na majiki ma̱ ni ma shanai tukpa n ele. Wi a kuyaꞋan wono ba, a makyan ma na wi a̱ vishili n irala i ni, n ubuta̱ u koɓolo, a̱ utsutsu u likuci. 
