﻿Ishipa.
126.
Vishipa vu kugaɗukpa a kubana a̱ ubuta̱ wa̱ a̱ga̱nda̱. Ana Vuzavaguɗu u bonokoi tsu n una̱singai u tsu, a̱tsu na ci o kubono a Sihiyona, ɗa wo okpoi tsu tsa alatani. 
Ɗa tsu ɓosoi izoshi, ci yaꞋin ishipa i ma̱za̱nga̱. Ɗa uduniyan u yoku u danai, <<Vuzavaguɗu u yaꞋanka le ta̱ ili i gbayin.>> 
E mayun ɗa, Vuzavaguɗu u yaꞋanka tsu ta̱ ili i gbagbaꞋin, ɗa tana ci shanai m ma̱za̱nga̱. 
Avu Vuzavaguɗu, bonoko tsu n tsugbayin tsu tsu tsu na o ci yoꞋo mini ma utsura a iɗika i na yi ishi i ɗekpei. 
Aza a na i a̱ vica̱Ꞌa̱ m ma̱shi, i ta̱ a kuyaꞋan vikyaꞋa m ma̱za̱nga̱. 
A̱yi na wu uta̱i m ma̱shi ucaniki n icuꞋu i vica̱Ꞌa̱, wi ta̱ o kubono n vishipa vu ma̱za̱nga̱. ucaniki nu nta̱ka̱ mi ili i kashina. 
