﻿Ishipa.
125.
Vishipa vu kugaɗukpa a kubana a̱ ubuta̱ wa̱ a̱ga̱nda̱. Aza a na a zuwai katsura ke le u Vuzavaguɗu, i ta̱ tsu kusan ku gbayin ku Sihiyona, ku na ku tsu kugba̱ɗa̱ ba, ki ta̱ lo ko wannai. 
Tsu na nsansa m gbagbaꞋin mi uka̱ra̱Ꞌi n Urushelima, ta feu Vuzavaguɗu u kanzai uma a̱ ni nannai, gogo na a kubana ko wannai. 
Aza a gbani-gbani i a kulyaꞋa tsugono a iɗika i uma a̱ Ka̱shile ba, ɗa baci a lyaꞋi tsugono, yoku ba uma a̱ Ka̱shile a feu i ta̱ a ku nusa. 
Vuzavaguɗu, yaꞋanka aza a usuɓi kasingai, ele na i o kutono wila̱ u nu. 
Ama aza a na a vadalukpai o tonoi uye u gbani-gbani, yaꞋan Vuzavaguɗu wu utuka̱ le koɓolo n aza a gbani-gbani. YaꞋan ma̱ta̱na̱ mo yongo n aza a Isaraila. 
