﻿Ishipa.
122.
Ishipa i kugaɗukpa a kubana a̱ ubuta̱ wa̱ a̱ga̱nda̱. Vishipa vu Dawuda. N yaꞋan ta̱ ma̱za̱nga̱ ana a danai mu, <<YaꞋan tsu bana A̱Ꞌisa̱ a gbayin a Vuzavaguɗu.>> 
A̱tsu ɗa na ci yawai, ci ta̱ kashani a̱ utsutsu u Urishelima. 
A maꞋa ta̱ Urishelima tsu likuci i na yi ugbaɓi a̱ ubuta̱ u te, 
ubuta̱ u na kumaci kakau ku tsu bana, kumaci ki Isaraila, adama a na a cikpa Vuzavaguɗu, tsu na e nekei aza a Isaraila kadanshi. 
Adama a na ta ɗe akuba afada i, akuba o tsugono tsu kpaꞋa ku Dawuda. 
YaꞋankai Urushelima avasa a̱ ma̱ta̱na̱, <<YaꞋan aza na a cigai nu a̱ ciya̱ ulyaꞋi u kelime. 
YaꞋan ma̱ta̱na̱ mo yongo a Urushelima, ida̱shi i ma̱ta̱na̱ kpamu e efeku o tsugono a̱ nu.>> 
Adama a̱ja̱Ꞌa̱ a̱ va̱ n aza a̱ va̱, n danai Urishelima, <<Ma̱ta̱na̱ mo yongo n avu.>> 
Adama a kpaꞋa ku Vuzavaguɗu Ka̱shile ka̱ tsu, mi ta̱ avasa vu lyaꞋa kelime. 
