﻿Ishipa.
120.
Vishipa vu kugaɗukpa a kubana a̱ ubuta̱ wa̱ a̱ga̱nda̱. N ɗekushe ta̱ Vuzavaguɗu, ana mi a̱ ka̱tsuma̱ ka atakaci, ɗa tana wu ushuki mu. 
Vuzavaguɗu, wawa wuma u va̱, we elentsu aza a uwa n wa aza o modoruko. 
Yiɗa̱i u kuyaꞋanka ɗa̱, afada e ne a ɗai u kuyaꞋanka ɗa̱ a̱ɗa̱ aza o modoruko? 
Wi ta̱ a kutakacika ɗa̱ n ayaꞋa a lyalyaꞋan o osoji koɓolo n a̱ga̱ruwa̱shi akina. 
Ili ya atakaci i ɗa wa̱ a̱ va̱, a na mi a̱ ida̱shi a̱ likuci i Mesheku punu a̱pa̱m e Kedaru. 
N geshe ta̱ ida̱shi, a̱ ka̱tsuma̱ ka aza a na a cigai ida̱shi i ma̱ta̱na̱ ba. 
Mpa vuza vu kuciga ida̱shi i ma̱ta̱na̱ i ɗa, ama n dansa baci, ka̱ta̱ a yaꞋan ukuna u kuɗa̱ngusa̱ vishili. 
