﻿Ishipa.
114.
Ana aza a Isaraila a̱ ka̱sukpa̱i iɗika i Masar, kpaꞋa ku Yakubu ku ka̱sukpa̱i iɗika yo omoci, 
Yahuda wo okpo ta̱ ubuta̱ wi ida̱shi i ciɗa u Ka̱shile, Isaraila kpamu ubuta̱ u tsugono ci ni. 
Mala mashili me enei ɗa ma sumai, ɗa kuyene ku Urudu ku bonoi n ka̱ca̱pa̱. 
Nsansa a̱ ka̱na̱i ci ɗikpangi tsa̱ a̱giri, aginda tankpamu tsu nkyon. 
Yiɗa̱i i zuwai ɗa vu sumai avu mala mashili? Avu kuyene ku Urudu, a na vu bonoi n ka̱ca̱pa̱? 
A̱ɗa̱ nsansa a̱ɗa̱ na i ɗikpangi tsa̱ a̱giri, aginda tankpamu tsu nkyon? 
JeꞋekei ikyamba a̱ɗa̱ aduniyan, e kelime ka Vuzavaguɗu, e kelime ka̱ Ka̱shile ka Yakubu, 
a̱yi na u bonokoi kakpanlai kadaɓa ka̱ mini, kpamu katali a̱shi a mini. 
