﻿Ishipa.
112.
Cikpai Vuzavaguɗu, vuza vu ma̱za̱nga̱ ɗa, a̱yi na u tsu pana wovon u Vuzavaguɗu, a̱yi na u tsu pana uyoꞋo u kutono kadanshi ka̱ ni. 
Muku n vuza vu usuɓi mi ta̱ a̱ kuciya̱ tsugbayin a i iɗika ya ntsukaya mi ta̱ a̱ kuciya̱ una̱singai. 
Uciyi n udukuyan u kuyongo ta̱ a kpaꞋa ku ni, ka̱ta̱ ukuna wu usuɓi u ni u yongo ko wannai. 
A̱yi kutashi ku ɗa a ku akana, u vuza na wi o kutono mejege, u vuza kasingai n asuvayali n vuza vu usuɓi. 
Kasingai ki ta̱ o kuyongo n vuza na u ci yaꞋan kuneꞋe n kuneke okopu n ka̱ɗu ba̱ri, a̱yi na u ci yaꞋan ukuna u mayun. 
Mayun wi ku gba̱ɗa̱sa̱ ba, a ku ciɓa ta̱ n vuza vu usuɓi ko wannai. 
U tsu pana wovon wa arabali a gbani-gbani ba, ka̱ɗu ka̱ ni ka shamgba ta̱ mayin a̱ ubuta̱ u kutono Vuzavaguɗu. 
Ka̱ɗu ka̱ ni ki ta̱ a̱ ida̱shi cika, ko wovon a ukocishi wi ta̱ a kulyaꞋa irala i ni. 
U tsu neke ta̱ aza a yali kuneꞋe ba̱ri, usuɓi u ni wi ta̱ o kuyongo ko wannai, utsura u ni wi ta̱ kuciya̱ ucikpi n tsugbayin. 
Vuza gbani-gbani wi ta̱ e kene ka̱ta̱ u ka̱na̱ wupa n u lumai una̱ ali u na̱mgba̱. ka̱ta̱ kusheshe ku vuza gbani-gbani ko okpo ukuna u gbani. 
