﻿Ishipa.
111.
Cikpai Vuzavaguɗu mi ta̱ a kucikpa Vuzavaguɗu n ka̱ɗu ka̱ va̱ dem, a̱ ka̱tsuma̱ ko koɓolo ka uma a usuɓi. 
Ulinga u Vuzavaguɗu ili gbayin i ɗa, aza a na a ci yaꞋan ma̱za̱nga̱ n u ɗa, i ta̱ a kuciɓasa n u ɗa. 
Ulinga u ni wi ta̱ n tsugbayin n utsura, kpamu usuɓi u ni wi ta̱ o kuyongo ko wannai. 
U zuwai a ciɓa n ulinga u mereve u ni, Vuzavaguɗu wi ta̱ n kasingai n asuvayali. 
U tsu neke ta̱ aza a na i a kupana wovon u ni ilikulyaꞋa, u tsu ciɓa ta̱ n uzuwakpani u ni ko wannai. 
U yotsongu ta̱ uma a̱ ni utsura wu ulinga u ni, u nekei le iɗika yu uduniyan u yoku, yo okpo ili yi uka̱ni i le. 
Ulinga wa ekiye a̱ ni, wu usuɓi u ɗa n kamayun, ili i kutono i ni kpamu i ku ushuku i ɗa ra̱ka̱, 
u shikpa̱ kaꞋa ko wannai, a yaꞋan kaꞋa, a̱ ka̱tsuma̱ ku usuɓi n kamayun. 
U tuka̱i n ushibi u uma a̱ ni, u zuwai uzuwakpani u ni ko wannai, kula ku ni ku Ciɗa ku ɗa n ili i wovon. 
Wovon u Vuzavaguɗu u ɗa ugiti wu ugboji, aza a na o tsu tono wila̱ u ni dem, a̱ tsu ciya̱ ta̱ kuyeve ku singai. YaꞋan a cikpa yi ko wannai. 
