﻿Ishipa.
101.
Vishipa vu Dawuda. Vuzavaguɗu, mi ta̱ a kucanana vishipa adama a ucigi u na u na u tsu sabaꞋa ba n kamayun ka̱ nu, n canana ka wu vishipa vu kucikpa. 
Mi ta̱ a kuzuwaka mayin, n yongo ko unushi. wannai ɗai va̱ kuta̱wa̱ wa̱ a̱ va̱? Mi ta̱ o kuyongo a kpaꞋa ku va̱, n ka̱ɗu ka ciɗa. 
Mi a kuzuwa a̱shi a̱ va̱ a ukuna wi ili i wasasa ba. N iwan ta̱ ulinga u uma a kavama, i a kugbaga mu ba. 
Mi ta̱ a kuyaꞋan daꞋangi n aza a̱ɗu a gbani-gbani, babu i na i kugbaɓa mu n ka gbani-gbani. 
Mi ta̱ a ku una, vuza na u tsu la̱nga̱sa̱ kula ku vuza na i a ida̱shi ɗeɗevu n ka̱bini. Vuza vu ugbamukaci n kugoyi, mi a kugbama asuvu n a̱yi ba. 
A̱shi a̱ va̱ i ta̱ a kinda aza a̱ ma̱riki a iɗika ya, adama a na a̱ da̱sa̱ngu koɓolo nu mpa. Vuza na u tsu yongo n kamayun a̱ ka̱ɗu ka̱ ni, a̱yi ɗa u kuyaꞋanka mu a̱ga̱nda̱. 
Vuza vu ma̱ya̱nsa̱ka̱, wi a̱ kuda̱sa̱ngu a kpaꞋa ku va̱ ba. Vuza vu na u tsu dansa aꞋuwa, wi a kushamgba e kelime ka̱ va̱ ba. 
Usana lakam, mi ta̱ a ku una uma a gbani-gbani a̱ likuci ya, adama a na n loko aza a gbani-gbani ra̱ka̱, punu a̱ likuci i Vuzavaguɗu. 
