﻿Ishipa.
97.
Vuzavaguɗu mogono maꞋa, yaꞋan iɗika i yaꞋan ma̱za̱nga̱, yaꞋan uma a na i a iga̱Ꞌin i mala a yaꞋan ma̱za̱nga̱, 
Eleshu n ka̱yimbi a̱ ka̱ra̱Ꞌi ni, n usuɓi n kamayun kaꞋa kumiꞋi ku kakuba ko tsugono ci ni. 
Akina a kuwala e kelime ka̱ ni, o kusongu irala i ni i na yi uka̱ra̱Ꞌi n a̱yi. 
Ulaɗi u ni wa akana ta̱ aduniyan, aduniyan tana enei ɗa e jeꞋekei ikyamba. 
Nsasan n derikpei e kelime ka Vuzavaguɗu tsa abashi ishigi, e kelime ka Vuzavaguɗu ka aduniyan ra̱ka̱. 
Gaɗi wi ta̱ a kusala usuɓi u ni, uma ra̱ka̱ i ta̱ e kene tsugbayin ci ni. 
Aza a na i o kutono a̱ma̱li ra̱ka̱ i ta̱ a kuyaꞋan wono, aza a na i a̱ra̱ɗi n a̱ma̱li e le feu. Ga̱nda̱ka̱i Vuzavaguɗu a̱ɗa̱ a̱ma̱li ra̱ka̱! 
Uma a Sihiyona a panai, ɗa a yaꞋin ma̱za̱nga̱, aza a̱ likuci i wawaꞋa i Yahuda a yaꞋin ma̱za̱nga̱, adama afada a̱ nu Vuzavaguɗu. 
Vuzavaguɗu MalaꞋimili, avu ɗa vi a kulyaꞋa tsugono tsa aduniyan ra̱ka̱, vu laꞋa ta̱ a̱ma̱li ra̱ka̱ tsugbayin. 
YaꞋan aza a na a cigai Vuzavaguɗu a iwain ka gbani-gbani, adama a na u tsu ere ta̱ wuma u uma a̱ ni, kpamu u tsu uta̱ka̱ le ta̱ ekiye a uma a gbani-gbani. 
Ulaɗi wa akana ta̱ aza a usuɓi, m ma̱za̱nga̱ wa aza e mejege. 
Ra̱ka̱ vu ɗa̱ aza a usuɓi i yaꞋan ma̱za̱nga̱ u Vuzavaguɗu, i cikpa kula ku ciɗa ku ni kpamu. 
