﻿Ishipa.
87.
Vishipa vu muku n Kora. Vuzavaguɗu u vara ta̱ kumiꞋi ku kumaꞋa ku ni, a gaɗi vu aginda a ciɗa, 
Vuzavaguɗu u laꞋa ta̱ n kuciga utsutsu u Sihiyona n ubuta̱ wi ida̱shi i Yakubu ra̱ka̱. 
I ta̱ a kadanshi ka tsugbayin adama a̱ nu, avu likuci i Ka̱shile. Kuvuka 
Mi ta̱ a kuzuwa Masar m Babila, a̱ ka̱tsuma̱ ka aza a na e yevei mu, Filisitiya n Taya n Habasha <<Ele feu ta ɗe a matsai le,>> 
A Sihiyona tankpamu i ta̱ a kudana, <<Ele na n ele nan ɗe a matsa le ta̱ punu.>> MalaꞋimili wi ta̱ a kuzuwa i ɗa. 
Vuzavaguɗu wi ta̱ a kuɗana a katagarda ka ula a uma a̱ ni dem, <<A̱yi na a matsai ta̱ a Sihiyona.>> Kuvuka 
A makyan ma na i a kuyaꞋan tsuwaꞋi i ta̱ a kucanana ishipa, ka̱ta̱ a dana, <<Una̱singai u va̱ dem wi ta̱ Sihiyona.>> 
