﻿Ishipa.
82.
Vishipa vu Asafa. Ka̱shile ka ɗika ta̱ tsugbayin ci ni o koɓolo ka gbayin ka gaɗi. Ka̱shile ka tsu kiɗa ta̱ afada a̱ ka̱tsuma̱ ka̱ a̱ma̱li. 
<<Ali n wannai ɗai i ku ka̱na̱ kuyaꞋan afada a na i mejege ba, i ka̱na̱ kuɓa̱nka̱ aza a gbani-gbani? Kuvuka 
I ɓa̱nka̱ aza a unambi nu mkpaꞋan, i yaꞋanka aza a unambi n aza a na o doroi kasingai. 
Wawai aza a na i n utsura ba n aza a unambi, wawai le e ekiye aza a gbani-gbani.>> 
I n cicoꞋo ba, ko e yeve ili, i ta̱ a nwalu a̱ ka̱yimbi, a̱miꞋi a ngon ma aduniyan m gba̱ɗa̱i. 
N danai, <<A̱ɗa̱ a̱ma̱li a ɗa, ra̱ka̱ vu ɗa̱ muku m MalaꞋimili n ɗa, 
Ama yi ta̱ a̱ ku kuwa̱ tsu vuma, i yikpa̱ tsu ngono ra̱ka̱.>> 
Ka̱shile, ta̱wa̱ vu yaꞋanka aduniyan afada, adama a na uduniyan ra̱ka̱ ili yi uka̱ni i nu i ɗa. 
