﻿Ishipa.
76.
Kadanshi a kubana u vuza vu kelime vi ishipa: N tsuwaꞋi tsu anꞋin a umolu. Vishipa vu Asafa. Ka̱shile vuza vu uyevi ɗa a yahuda, kula ku ni ku gbayin ku ɗa a Isaraila. 
Ubuta̱ wu ida̱shi i ni yi ta̱ a Urushelima, Sihiyona ɗa ubuta̱ wu ida̱shi i ni. 
Taɗe u koɗosoi ayaꞋa a irala, nu nra̱ga̱ n le, n otokobi e le, ali n ucanuku u kuvon u le. Kuvuka 
Ka̱shile, avu vuzagbayin ɗa vi ta̱ tsu mogono ɗa baci vu bonoi, a nsansa a̱ ubuta̱ u na vu lyaꞋi irala i nu. 
Una ta̱ osoji a utsura ɗa a̱ pura̱i ucanuku u na i n uɗa, ko kovonshi ka buwa ba, ka na ka kufuɗa ku ɗa̱ngusa̱ kukiye ku ni. 
Ka̱shile ka Yakubu, tsu na vu ɓarangi le, ekeke odoku n akumbi e le ra̱ka̱ a̱ yikpa̱i a̱ kuwa̱i. 
Avu ɗa koci a kupana wovon u nu, yayi u kushamgba e kelime ka̱ nu, a makyan ma na baci vu yaꞋin wupa? 
Ɗe gaɗi ɗa vu kiɗai afada, aduniyan a panai wovon ɗa a paɗai bini, 
Ka̱shile, vu ɗa̱nga̱ baci kuyaꞋan afada, adama a na vu wawa aza a na i atakaci aduniyan. Kuvuka 
Mayun wupa u nu u vuma wi ta̱ a̱ ku tuka̱ wu n ucikpi, aza a na a lakai a wupa u nu, i ta̱ a kuyaꞋanka wu a̱ga̱nda̱. 
YaꞋin akucina u Vuzavaguɗu Ka̱shile ka̱ ɗa̱, ka̱ta̱ i neke i na i kucinai kuneke, yaꞋan iɗika i na yi ɗeɗevu, a̱ tuka̱ n kuneꞋe ku le, u Vuza na a kupana wovon. 
U zuwa ta̱ aza o tsugono tsa̱ a̱ra̱ɗi okpo n wono, ka̱ta̱ u zuwa ngono ma aduniyan a pana wovon. 
