﻿Ishipa.
53.
Kadanshi a kubana u vuza vu kelime vi ishipa: A yaꞋan vu ɗa n ka̱la̱ka̱tsu ka <<Mahalatu.>> VicuꞋu vu tsuwaꞋi tsu Dawuda. Alau a tsu dansa ta̱ a̱ɗu e le, <<Ka̱shile ki lo ba.>> A̱ na̱mgba̱ ta̱ ra̱ka̱ vu le, ulinga u le ili yi unata i ɗa, babu vuza na u ci yaꞋan ili i na yi derere. 
Vuzavaguɗu wu indanai uma ɗe gaɗi, we ene ko aza e kuyeve i ta̱ punu, vuza a na wi a̱ kula̱nsa̱ u yeve Ka̱shile. 
Ra̱ka̱ vi le a̱ ka̱sukpa̱ ta̱ uye, dem vi le a̱ puwa̱nka̱ ta̱, babu vuza na wi a kuyaꞋan ka̱ ma̱riki, ko vuza te. 
Aza a na i a kuyaꞋan ka gbani-gbani ka, i n kuyeve ba? A tsu takuma ta̱ uma tsu boroji, kpamu a ci yaꞋan avasa u Vuzavaguɗu ba. 
Ama i ta̱ a̱ kurikpa̱ ka̱u, tsu na a saꞋwai kuyaꞋan ba, Ka̱shile ki ta̱ a ku wacuwa etele i irala i uma a̱ ni. aza a Isaraila i ta̱ o kuloko le, adama a na u iwan le ta̱. 
Ishi baci a dana wishi wi Isaraila, wu uta̱ ta̱ a Sihiyona. ana Ka̱shile ko bonokoi uma a̱ ni una̱singai u le, Yakubu wi ta̱ a kuyaꞋan ma̱za̱nga̱, ka̱ta̱ Isaraila a̱ za̱nga̱na̱. 
