﻿Ishipa.
46.
Kadanshi a kubana u vuza vu kelime vi ishipa: Vishipa vu muku n Kora. Ka̱shile kaꞋa ubuta̱ u kusheɗeku u tsu n katsura ka̱ tsu, a makyan dem ufoɓushi u ɗa wi u ɓa̱nka̱ tsu a ayin atakaci. 
Adama nannai ci a kupana wovon ba, ko ɗa baci aduniyan i a̱ kugba̱ɗa̱, atali kpamu a̱ yikpa̱i a mala mu uga̱vi, 
Ko a dana baci mala mi ta̱ a kuyaꞋan yura̱ ma̱ putsuwa̱i, ko ɗa baci n sansan m gba̱ɗa̱i adama ugba̱ɗi u mala. Kuvuka 
Kuɗolu ki ta̱ lo ku na ku tsu tuka̱, n ma̱za̱nga̱ a̱ likuci i Ka̱shila̱, n ubuta̱ wa̱ A̱Ꞌisa̱ a ciɗa a MalaꞋimili. 
Ka̱shile ki ta̱ a̱ ida̱shi punu a̱ likuci ya, mayun, i tana a ku una likuci ya ba, n kpasani Ka̱shile ki ta̱ a̱ kutuka̱ le n uɓa̱nki. 
Uduniyan u panai wovon, tsugono tsu gba̱ɗa̱i, a na Ka̱shile ka lapai kakpanga, aduniyan e derikpei 
Vuzavaguɗu MalaꞋimili wi ta̱ koɓolo n a̱ tsu. Ka̱shile ka Yakubu kaꞋa ubuta̱ u ku sheɗeku u tsu. Kuvuka 
Ta̱wa̱i yi ene ili i na Vuzavaguɗu u yaꞋin, indana biꞋi ili mereve i na u yaꞋin aduniyan. 
U sa̱nka̱i kuvon ubuta̱ dem aduniyan. u koɗosoi utan dem, ɗa u la̱nga̱sa̱i nsara. o kusongu ekeke o odoku n akina. 
<<U danai, paɗai bini, i yeve mpa Ka̱shile kaꞋa. MalaꞋimili maꞋa a̱ ka̱tsuma̱ ka aduniyan a na a buwai, MalaꞋimili kpamu aduniyan.>> 
Vuzavaguɗu MalaꞋimili wi ta̱ koɓolo n a̱tsu, Ka̱shile ka Yakubu, a̱yi ɗa ubuta̱ u kusheɗeku u tsu. Kuvuka 
