﻿Ishipa.
43.
Vishipa vu Dawuda. Ka̱shile, yotsongu unambi wu unushi u va̱, vu isaka mu ili i na yi i va̱, wa aza a na a̱ kpa̱ɗa̱i kupana wovon u nu, isa mu a ekiye aza o modoruko, n aza a gbani-gbani 
Ka̱shile avu ɗa vi a ku inda mu. yiɗa̱i i zuwai ɗa vu variki mu? Yiɗa̱i i zuwai mi o kusoꞋo atakaci, adama a ka gbani-gbani ka irala i va̱? 
Suku kutashi ku nu n kamayun ka̱ nu, o tono nu mpa. vu zuwa o bono nu mpa a ka kaginda ka ciɗa ka̱ nu, o bono nu mpa a̱ ubuta̱ wi ida̱shi i nu. 
Ka̱ta̱ m bana a katalikalyuka ka̱ nu Ka̱shile, Ka̱shile, wa̱ a̱ nu ɗa, ugiti u ma̱za̱nga̱ u va̱. mi ta̱ a cikpa wu n umolu, Ka̱shile, Ka̱shile ka̱ va̱. 
Yiɗa̱i i zuwai mi una̱mgbi ka̱tsuma̱ tsu nampa? Yiɗa̱i i zuwai mi a atakaci nannai? Mi ta̱ a kuzuwa ka̱ɗu ka̱ va̱ u Ka̱shile, mi ta̱ o kudoku kucikpa yi, kishi ka̱ va̱ n Ka̱shile ka̱ va̱. 
