﻿Ishipa.
13.
Kadanshi a kubana u vuza vu kelime vi ishipa: Vishipa vu Dawuda: a kubana u ma̱zuɓi. Vuzavaguɗu, ali n wannai ɗai va kucinukpa nu mpa? Ali n wannai ɗai va ku sokongu ku mu a̱shi a̱ nu? Ali ko wannai ɗa? 
Ali n wannai ɗai n kugbama asuvu n atakaci a nampa? Kanna dem o kuyongo n una̱mgbi u ka̱tsuma̱. Ali wannai ɗai irala i va̱ i kuka̱na̱ kuciya̱ ulyaꞋi? 
Indana mu Vuzavaguɗu Ka̱shile ka̱ va̱, zuwa mu n yongo n wuma, ka̱ta̱ vu ka̱sukpa̱ mu n kuwa̱ ba. 
Ka̱ta̱ vu ka̱sukpa̱ irala i va̱ a dana, <<Ci lyaꞋa ta̱ kelime ka̱ ni.>> Ka̱ta̱ vu ka̱sukpa̱ a yaꞋan ma̱za̱nga̱, adama a uyikpi u va̱ ba. 
Ama mpa n neke ta̱ ka̱ɗu ka̱ va̱, a ucigi u nu u na u tsu sabaꞋa ba. ka̱ɗu ka̱ va̱ ki ta̱ m ma̱za̱nga̱ adama a na vu isa mu ta̱. 
Mi ta̱ a kuyaꞋan ishipa, u Vuzavaguɗu, adama a kasingai ka na wi a kuyaꞋanka mu. 
