﻿Ishipa.
11.
Kadanshi a kubana u vuza vu kelime vi ishipa: Vishipa vu Dawuda: a kubana u ma̱zuɓi. Vuzavaguɗu ɗa ubuta̱ u kusheɗeku u va̱, adama a̱ n yiɗa̱i va ku dana mu: <<Imkpa tsu manunu a kubana a nsasan, 
Uma a gbani-gbani a lapula ta̱ utan u le, kpamu a gisangi ayaꞋa e le, adama a na a tawa uma a̱ ma̱riki punu a̱ ka̱yimbi. 
Aza a usuɓi i a kufuɗa kuyaꞋan ili ba, Ɗa baci ili dem i na̱mgba̱i.>> 
Vuzavaguɗu wi ta̱ A̱Ꞌisa̱ a gbayin a ciɗa a̱ ni, kakuba ko tsugono ci ni ki ta̱ ɗe gaɗi. a̱shi a̱ ni a kindana uma a̱ ubuta̱ dem, a̱ kula̱na̱ ili i na uma i a kuyaꞋan dem. 
Vuzavaguɗu u tsu kondo ta̱ vuza vu usuɓi, n vuza gbani-gbani, u tsu iwan ta̱ aza a na a cigai kawuya, 
Wi ta̱ a̱ kusuku akina n Farinwuta, u uma a gbani-gbani, wunla̱i wu usuɗukpi u ɗa u ko okpo upecu u le. 
Adama a na Vuzavaguɗu vuza vu usuɓi ɗa, u ciga ta̱ ulinga wu usuɓi, uma a usuɓi i ta̱ e kene a̱shi a̱ ni. 
