﻿Nehemiya.
7.
Ana o kotsoi kumaꞋa mashilya ma, ɗa a̱ shikpa̱i ukungulu a̱ utsutsu wa ra̱ka̱, ɗa a zuwai aza a kinda ku utsutsu wa n aza a ishipa n aza e Levi. 
Ɗa n zuwai aza a̱ va̱ a̱ la̱na̱ likuci i Urushelima, Hanani n Hananiya vuza vu kelime vu kula̱na̱ mashilya, adama a na Hananiya u laꞋa ta̱ aza a na a buwai usuɓi n wovon u Ka̱shile. 
Ɗa n danai le ka̱ta̱ a̱ ɓa̱yuwa̱ utsutsu u Urushelima wa n usana ba ali kana ka̱ uta̱. Ka̱ta̱ kpamu a gbagura u ɗa kafu aza a na i a kinda utsutsu wa a laza n kulivi. A̱ la̱nsa̱ aza a kindi a Urushelima ka̱ta̱ a zuwa le a̱ ubuta̱ u na u yotsoi, aza o yoku tankpamu a kinda mashilya ma a uɓon wu iꞋuwa i le. 
Likuci i Urushelima yi ta̱ n wanshi nu mgbayin ka̱u, ama aza a na i a ida̱shi punu i n a̱bunda̱i ba, kpamu ka̱ta̱ a maꞋa iꞋuwa ka̱u ba. 
Ɗa Ka̱shile ka̱va̱ ka danai mu n ɓolongu uma nu nkoshi n gba̱ra̱-gba̱ra̱ n uma a na a buwai adama a na a ɗana ula e le tsu na i a kumaci ku le. Ɗa n ciya̱i katagarda ka tsumani ka na a ɗanai ula aza na a̱ gita̱i kubono a ubuta̱ u tsugbashi. I na n cinai punu i ɗa na. 
Nava ɗaɗa uma a na o bonoi n ubuta̱ wu ugbashi aza a na Nebukanezaru mogono ma Babila u pura̱i a kubana ugbashi. Ɗa o bonoi a iɗika i Urushelima n iɗika i Yahuda, yaba dem u bonoi a̱ likuci i ni. 
Aza e kelime a ele ɗa Zerubabelu n Jesuwa n Nehemiya n Seraya n RaꞋamiya n Nahamani n Modikaya n Bilishan n Misaferetu n Bigawai n Nehum, koɓolo m BaꞋanahu. Nava ɗaɗa ula aza a Isaraila a na o bonoi n ugbashi n ka̱bunda̱i ke le. 
Ntsukaya m Paroshi, ele ɗa uma a̱kpa̱n ere n amangatatsukupa n ere (2,172.) 
Ntsukaya n Shefatiya, ele ɗa uma amangatawantatsu n amangatatsukupa n e re, (372). 
Ntsukaya n Ara, ele uma amangatawa̱nta̱li n amangerenkupa n e re (652). 
Ntsukaya n Pahatu-mowabu, a kumaci ku Jesuwa n Jowabu, ele ɗa uma a̱kpa̱n e re n amangatawunkunla̱i n kupa n kunla̱i (2,818). 
Ntsukaya n Elam ele ɗa uma ka̱kpa̱n n amangatawenre n amangerenkupa n a̱na̱shi (1,254). 
Ntsukaya n Zatu, ele ɗa uma amangatawunkunla̱i n amangere n a tawun, (845). 
Ntsukaya n Zakai, ele ɗa uma amangatawencindere n amangatatsu (760). 
Ntsukaya m Binuyi ele ɗa uma amangatawa̱nta̱li n amangere n kunla̱i (648). 
Ntsukaya m Bebayi, ele ɗa uma amangatawa̱nta̱li n kamanga n kunla̱i (628). 
Ntsukaya n Azagada, ele ɗa uma a̱kpa̱n e re n amangatawantatsu n kamanga n e re (2,322), 
Ntsukaya n Adonikam, ele ɗa uma amangatawa̱nta̱li n amangatatsu n e cindere (667). 
Ntsukaya m Bigawai, ele ɗa uma a̱kpa̱n e re n amangatatsu n e cindere (2,067). 
Ntsukaya n Adini, ele ɗa uma amangatawa̱nta̱li n amangerenkupa n a tawun (655). 
Ntsukaya n Ataru nu ntsukaya n Hezekaya ele ɗa uma amanga̱na̱shinkupa n kunla̱i. 
Ntsukaya n Hashum, ele ɗa uma amangatawantatsu n kamanga n kunla̱i (328). 
Ntsukaya m Bezayi, ele ɗa uma amangatawantatsu n kamanga n a̱na̱shi (324). 
Ntsukaya n Harifa, ele ɗa uma amangatawun n kupa n e re (112). 
Ntsukaya n Gibiyon, ele ɗa uma amanga̱na̱shinkupa n a tawun. 
Na ɗa uma a na ikaya i le i da̱sa̱ngi a̱ likuci-likuci i nampa ele feu o bonoi ta̱. Batalami n Netofa, ele ɗa uma amangatawun n amanga̱na̱shi n kunla̱i (188). 
Aza a Anatotu, ele ɗa uma amangatawun n kamanga n kunla̱i (128). 
Aza a Betu-azamavetu, ele ɗa uma amangere n e re. 
Aza a Kiriyatu-jerim n Kepira m Beyerotu, ele ɗa uma amangatawencindere n amangere n a tatsu (743). 
Aza a Rama n Geba, ele ɗa uma amangatawa̱nta̱li n kamanga n ke te (621). 
Aza a Mikamashi, ele ɗa uma amangatawun n kamanga n e re (122). 
Aza a Betelu n Ai, ele ɗa uma amangatawun n kamanga n a tatsu (123). 
Aza a Nebo, ele ɗa uma amangerenkupa n e re. 
Aza a Elam o yoku, ele ɗa uma ka̱kpa̱n n amangatawenre n amangerenkupa n a̱na̱shi (1,254). 
Aza a Harim, ele ɗa uma amangatawantatsu n kamanga, (320). 
Aza a Jeriko, ele ɗa uma amangatawantatsu n amangere n a tawun (345). 
Aza a Lodu n Hadida n Ono, ele ɗa uma amangatawencindere n kamanga n kete, (721). 
Aza a SenaꞋaha, ele ɗa uma a̱kpa̱n a tatsu n amangatawunkuci n kamangankupa (3,930). 
Na ɗa ula a kumaci ku anan Ganu a na o bonoi n ugbashi. Ntsukaya n Jedaya vu kpaꞋa ku Jesuwa, ele ɗa uma amangatawunkuci n amangatatsunkupa n a tatsu (973). 
Ntsukaya n Imeru, ele ɗa uma ka̱kpa̱n n amangerenkupa n e re (1,052). 
Ntsukaya n Pashuru, ele ɗa uma ka̱kpa̱n n amangatawenre n amangere n e cindere (1,247). 
Ntsukaya n Harim, ele ɗa uma ka̱kpa̱n n kupa n e cindere (1,017). 
Na ɗa ula a kumaci ka aza e Levi a na o bonoi n ugbashi. Ntsukaya n Jesuwa, n Kadimiyelu vu kpaꞋa ku Hodeva, ele ɗa uma amangatatsunkupa n a̱na̱shi. 
Aza a ishipa A̱Ꞌisa̱ a gbayin. ele ɗa ntsukaya n Asafa, i ta̱ uma amangatawun n amangere n kunla̱i, (148). 
Aza a̱ kula̱na̱ utsutsu tankpamu, ntsukaya n Shalum nu ntsukaya n Ateru nu n Talumon nu n Akubu nu ntsukaya n Hatita nu n Shobayi, ele ɗa uma amangatawun n kamangankupa n kunla̱i, (138). 
Na ɗa ula aza a na i a kuyaꞋan ulinga A̱Ꞌisa̱ a gbayin aza a na o bonoi n ugbashi. Ntsukaya n Ziha nu n Hasufa nu n Tabuwatu, 
nu n Kerosu nu n Siya nu n Padon, 
nu n Lebana nu n Hagaba nu n Shalumayi, 
nu n Hanan nu n Gidelu nu n Gaharu, 
nu n Reyiya nu n Rezin nu n Nekoda, 
nu n Gazamu nu n Uza nu n Pasiya, 
nu n Besayi nu n MeꞋunimu nu n Nefushesim, 
nu n Babuku nu n Hakufa nu n Harihuru, 
nu n Bazilatu nu n Mehida nu n Harisha, 
nu n Barakosu nu n Sisera nu n Tema, 
nu n Neziya nu n Hatifa. 
Na ɗa ula aza a na i a kuyaꞋanka Sulemanu ulinga aza a na o bonoi n ugbashi, ele ɗa ntsukaya n Sotayi nu n Soferetu nu n Perida, 
nu n JaꞋala nu n Darukon nu n Gidelu, 
nu n Shefatiya nu n Hatilu nu n Pokeretu-hazebayim nu n Amon. 
Ntsukaya ma aza a ulinga wa̱ A̱Ꞌisa̱ a gbayin nu n ma aza a na i a kuyaꞋanka Sulemanu ulinga ra̱ka̱ aza a na o bonoi n ugbashi. Ele ɗa uma amangatawantatsu n amanga̱na̱shinkupa n e re (392). 
Na ɗa ula aza a na uta̱i a̱ likuci i Telu-mela n Telu-haresha nu n Kerebu n likuci i Adon n Imeru, ama a fuɗa e yeve kumaci ku le ko iꞋuwa yi ikaya i le ko ele aza a Isaraila ɗa ba. 
Ntsukaya n Delaya nu n Tobiya nu n Nekoda, ele ɗa uma amangatawa̱nta̱li n amangere n e re (642). 
Na ɗa ula anan Ganu a na o bonoi a Urushelima, ntsukaya n Hobaya nu n Hakoza nu n Barizilayi. A̱yi Barizilayi vu nampa a̱yi ɗa u zuwai mekere ma Barizilayi vuza vu Giliyadu, ɗa u ɗikai kula ka akaya a̱ ni. 
Uma a nampa a a̱ la̱nsa̱i ula ele a katagarda ka tsumani ka ikaya i le, ama a̱ ciya̱ ula ele ba. Adama a nannai ɗa bonokoi le aza a unata, ɗa utukai le a̱ ka̱tsuma̱ ka anan Ganu. 
Ɗa gomuna vi iɗika ya u danai le i a kulyaꞋa ilikulyaꞋa i ciɗa i na e nekei Ka̱shile alyuka ba, sai Ganu u yaꞋan ulinga n Yurim n Tumi u la̱nsa̱ kuyeve ku Vuzavaguɗu adama a kakuna ka nanlo. 
Ka̱bunda̱i ka uma ka na ko bonoi a iɗika i Yahuda, babu biꞋi agbashi e le, i ta̱ uma a̱kpa̱n amangere n e re n amangatawantatsu n amangatatsu (42,360), 
Agbashi e le ali n a̱ma̱ci, ele ɗa uma a̱kpa̱n e cindire n amangatawantatsu n kamangankupa n e cindere (7,337). Aza a ishipa ali n a̱ma̱ci, ele ɗa uma amangatawenre n amangere n a tawun (245). 
Odoku e le amangatawencindere n kamangankupa n a̱ta̱li, (736) mkparagi tamkpamu amangatawenre n amangere n a tawun (245), 
Arakuma ele amangatawa̱na̱shi n kamangankupa n tawun (435) nu njaki a̱kpa̱n a̱ta̱li n amangatawencindere n kamanga (6,720). 
Aza e kelime a iꞋuwa yi ikaya i le o yoku e nekei kuneꞋen adama a ulinga wa. Gomuna u nekei azanariya kilo kunla̱i, n akpanu amangerenkupa, nu ntogu n tsuganu amangatawantawun n kamangankupa, (530). 
Aza e kelime ka ikaya i le e nekei azanariya amangatawun n amangatatsu n kunla̱i (168), azurufa ka̱kpa̱n n amangatawa̱na̱shi n amangerenkupa n kula̱i (1,458). 
Uma a na a buwai e nekei kuneꞋe ka azanariya amangatawun n amangatatsu n kunla̱i (168), azurufa kpamu kilo ka̱kpa̱n amangatawantatsu n kamanga n a tawun (1,325), koɓolo kpamu nu ntogu n tsuganu amangatatsu n cindere. 
Anan Ganu n aza e levi n aza a na i a kinda utsutsu wa̱ A̱Ꞌisa̱ a gbayin a Vuzavaguɗu n aza a ishipa n aza a na i a kuyaꞋan ulinga a kpaꞋa ku Vuzavaguɗu, n uma o yoku, n aza a Isaraila ra̱ka̱ o bonoi a̱ likuci i na ikaya i le i da̱sa̱ngi. Kafu wotoi u cindere u yawa cina ɗe aza a Isaraila a a̱ da̱sa̱ngu a̱ likuci i le. 
